༄༅།། དེ་རིང་གཟའ་མིག་དམར་ཉིན་ཨ་རིའི་སྲིད་འཛིན་ཇཱོ་བྷ་ཌན་དང་རྒྱ་གར་གྱི་སྲིད་བློན་མོ་དྷི་གཉིས་ཉི་ཧོང་དུ་མཇལ་འཕྲད་གྲོས་མོལ་གནང་སྟེ་རྒྱ་གར་རྒྱ་མཚོ་ནས་ཞི་བདེའི་རྒྱ་མཚོའི་བར་གྱི་གནད་དོན་ཁག་ལ་ཨ་རི་དང་རྒྱ་གར་གཉིས་ལྟ་ཚུལ་གཅིག་མཚུངས་བྱུང་སོང་ཞེས་སྲིད་བློན་མོ་དྷིས་གསུངས་ཡོད་ཅིང་། དེ་བཞིན་རྒྱ་གར་གྱི་ཕྱི་སྲིད་ལྷན་ཁང་གིས་ཀྱང་ཐེངས་འདིའི་དབུ་གཉིས་ཀྱི་མཇལ་འཕྲད་གྲོས་མོལ་ལ་དོན་སྙིང་ཆེན་པོ་བྱུང་སོང་ཞེས་ཁྱབ་བསྒྲགས་བྱས་འདུག་པའི་སྐོར། འཕྲིན་ལས་ཆོས་སྒྲོན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།།
