ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་དབུ་འཛུགས་དང་། སྲིད་འཛིན་བྷ་ཌན་གྱིས་རྒྱལ་ཚོགས་སུ་གཏམ་བཤད། བོད་ནང་གི་སློབ་གྲྭ་ཁག་ཏུ་བསླབ་གཞི་ཚང་མ་རྒྱ་ཡིག་ཏུ་བསྒྱུར་བཞིན་པ། ཨ་རི་དང་ཨི་རན། རྒྱ་གར་དང་ཁེ་ན་ཌའི་འགལ་ཟླ། ཐེ་ཝན་གྱི་གནས་སྟངས་ལ་གདེང་འཇོག་བཅས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་རྒྱའི་གནད་དོན་དབྱེ་ཞིབ་པ་དང་དྲུང་ཟུར་ཀུན་དགའ་བཀྲ་ཤིས་ལགས་གདན་འདྲེན་ཞུས་ནས་རྒྱ་དཔོན་ནང་ཁུལ་གྱི་རྙོག་འཛིང་དང་འཁྲུག་ཆའི་ཐད་བགྲོ་གླེང་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ ཚེ་བརྟན་དབང་ཕྱུག་དང་ལྷན་དུ་༢༠༢༣ ལོའི་རྒྱལ་ཚོགས་ཀྱི་རྒྱས་འཛོམས་ཚོགས་ཆེན་སྟེང་གི་བརྗོད་གཞི་དང་རེ་ལྟོས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།