སྲིད་འཛིན་བྷཱ་ཡེ་ཌེན་མཆོག་གི་སྲས་ཧན་ཊར་བྷཱ་ཡེ་ཌེན་གྱིས་ཨ་རིའི་ནུབ་ཕྱོཌ་མངའ་སྡེ་Californiaའི་དཔྲ་ཁྲལ་ཉུང་མཐར་ས་ཡ་གཅིག་དང་། འབུམ་བཞི་ཙམ་བསྒྲུབ་འཇལ་གནང་རྒྱུའི་ཚབ་ལ་གཡོལ་ཐབས་གནང་བ་དང་། དེ་བཞིན་ཨ་མི་རི་ཀའི་ཤར་ཕྱོགས་མངའ་སྡེ་Delawareམངའ་སྡེའི་ནང་ཁྲིམས་འགལ་གྱི་ཐོག་ནས་མེ་མདའ་ཉོས་གནང་བའི་ནག་ཉེས་དེ་ཚོར་སྲིད་འཛིན་མཆོག་གིས་གཟའ་ཉི་མའི་ཕྱི་དྲོ་ཆ་རྐྱེན་གང་ཡང་མེད་པའི་ཐོག་ནས་ཕྱག་ཡངས་གནང་བ་ཡིན་པའི་གསལ་བསྒྲཌ་གནང་འདུག སྐུ་ཞབས་Hunter Bidenགྱི་ནག་ཉེས་དེ་ཚོ་ནི། དེ་སྔོན་ཕྱི་ལོ་༢༠༡༤ནས་ཕྱི་ལོ་༢༠༢༤འི་དབར་གནང་བའི་ནག་ཉེས་ཡིན་པ་དང་། Californiaདང་Delawareམངའ་སྡེའི་ཁྲིམས་ཁང་ཁག་གིས་རིང་མིན་ཟླ་བ་འདིའི་ཚེས་༡༢དང་༡༦ལ་བཙོན་འཇུག་གི་ཉེས་ཆད་གསལ་བསྒྲཌ་གནང་འཆར་ཡོད་པ་དང་། སྲིད་འཛིན་བྷཡེ་ཌེན་གྱི་སྲས་ཀྱིས་Californiaའི་ནང་དཔྲ་ཁྲལ་ལས་གཡོལ་ཐབས་གནང་བའི་ནག་ཉེས་ལ་བརྟེན་ནས་ཁོང་ལོ་༡༧བཙོན་ཁང་ནང་བཞུགས་དགོས་ཀྱི་ཡོད་པ་དང་། སྐུ་ཞབས་ཧན་ཊར་བྷཱ་ཡེ་ཌེན་གྱིས་Delawareམངའ་སྡེ་ནས་ཁྲིམས་འགལ་གྱི་ཐོག་ནས་མེ་མདའ་ཉོས་གནང་བའི་ནག་ཉེས་ཀྱི་རྐྱེན་གྱིས་ཁོང་ལོ་༢༥བཙོན་ཁང་ནང་བཞུགས་དགོས་ཀྱི་ཡོད་པ་རེད།།
སྐུ་ཞབས་བྷཱ་ཡེ་ཌེན་ནི། རང་ཉིད་དང་ཐུགས་ཉེ་བའི་མི་སྣའི་ནག་ཉེས་ལ་ཕྱག་ཡངས་གནང་མཁན་སྲིད་འཛིན་དང་པོ་དེ་མིན་རུང་། ཡིན་ན་ཡང་། ཁོང་གི་ཕྱག་བཞེས་དེ་ནི། ཁོང་གིས་ཁྲིམས་ཀྱི་དབང་བསྒྱུར་ལ་སྲུང་རྩི་ཞུ་རྒྱུ་དང་། རྒྱུན་ལྡན་གྱི་འགྲོ་ལུགས་བསྐྱར་གསོ་གནང་རྒྱུའི་ཞལ་བཞེས་དམ་བཅའ་གནང་མཁན་ཞིག་གིས་རང་ཉིད་ཀྱི་དམ་བཅའ་ཕྱིར་འཐེན་གནང་བ་ཞིག་ཡིན་པས་ཁོང་གི་ཕྱག་བཞེས་དེ་ནི་ཧ་དགོས་པའི་ཕྱག་བཞེས་ཤིག་ཡིན་འདུག
ཨ་རིའི་རྩ་ཁྲིམས་ཆེན་མོའི་ནང་སྲིད་འཛིན་ལ་ནག་ཉེས་ཕྱག་ཡངས་གནང་ཆོག་པ་དང་། ཉེས་ཆད་ཆུང་དུ་བཏང་ཆོག་པའི་སྐུ་དབང་ཡོད་པ་དང་། སྐུ་དབང་འདི་ཚོ་ནི། དབྱིན་ཇིའི་རྒྱལ་པོ་ལ་ཡུལ་དེའི་མི་སེར་གྱི་ནག་ཉེས་ལ་ཕྱག་ཡངས་གནང་ཆོག་པའི་ཁྲིམས་གཞི་ཞིག་ཡོད་པ་དེ་ནས་ཨ་མི་རི་ཀའི་ཁྲིམས་གཞིར་འཕྲོས་པ་ཞིག་ཡིན་པ་དང་། ཨ་རིའི་སྲིད་འཛིན་ཚོས་སྐུ་དབང་འདི་ཚོ་བེད་སྤྱོད་ཤུཌ་ཆེ་གནང་གི་ཡོད་པ་རེད། དཔེར་ན་ སྐུ་ཞབས་ཌོ་ནཱལ་ཊྲམ་གྱིས་དེ་སྔོན་ལོ་བཞིའི་རིང་ཨ་རིའི་སྲིད་འཛིན་གནང་རྗེས་སྲིད་འཛིན་གྱི་མཚན་གནས་ནས་ཁྱུར་ཕེབས་དུས་ཁོང་གིས་མི་༢༣༧གྱི་ནག་ཉེས་ཁག་ཕྱག་ཡངས་གནང་ཡོད་པ་དང་། ཁོང་གི་གོང་གི་སྲིད་འཛིན་བྷཱ་རག་ཨོ་བྷཱ་མ་མཆོག་གིས་ལོ་བརྒྱད་ཀྱི་རིང་ཨ་རིའི་སྲིད་འཛིན་གནང་ཤུལ་གྱི་རིང་ཁོང་གིས་མི་༡༩༢༧གྱི་ནག་ཉེས་ཕྱག་ཡངས་དང་། ཉེས་ཆད་གུ་ཡང་གནང་ཡོད་པ་རེད།
སྐུ་ཞབས་བྷ་ཡེ་ཌེན་ནི། སཽའི་སྤུན་ཉེ་དུ་ཚོའི་ནག་ཉེས་ལ་ཕྱག་ཡངས་གནང་མཁན་སྲིད་འཛིན་དང་པོ་དེ་མིན་པ་དང་། ཨ་མི་རི་ཀའི་སྲིད་ཟུར་པ་བྷིལ་ཀླིན་ཊེན་གྱིས་རང་ཀྱི་སྤུན་མཆེད་Roger Clintonགྱིས་ཕྱི་ལོ་༡༩༨༥འི་ལོར་ཉལ་ཐོག་བཙོང་པའི་ནག་ཉེས་ལ་དམིགས་བསལ་གནང་སྟེ་ཕྱག་ཡངས་གནང་ཡོད་པ་དང་། ཨ་རིའི་སྲིད་འཛིན་དུ་སླར་ཡང་འདེམས་ཐོན་བྱུང་བ་ཊྲམ་གྱིས་དེ་སྔོན་སྲིད་འཛིན་གྱི་ལས་དུས་དང་པོ་དེ་གནང་བའི་འཇུག་ཏུ། ཁོང་གིས་རང་ཉིད་ཀྱི་བོུའི་ཁྱོ་ག་Jared Kushnerགྱི་པཱ་ལཌ་Charles Kushnerཀྱི་ནག་ཉེས་ཁག་དམིགས་བསལ་གནང་སྟེ་ཕྱག་ཡངས་གནང་ཡོད་པ་དང་། སྐུ་ཞབས་ཊྲམ་གྱིས་གཟའ་སྤེན་པའི་ཉིན་སྐུ་ཞབས་Charles Kushnerཕྲཱན་སིའི་ནང་བཅའ་བཞུསག་གནང་མཁན་ཨ་རིའི་གཞུང་ཚབ་རྗེས་མ་དེར་མིང་འདོན་གནང་ཡོད་པ་དང་། ཨ་རིའི་སྲིད་འཛིན་ཞིག་གིས་དབུས་གཞུང་གི་ནག་ཉེས་ཁག་ལ་ཕྱག་ཡངས་ཆོག་པ་མ་གཏོགས་ཨ་རིའི་མངའ་སྡེ་ཁག་གི་ཉེས་ཁག་ལ་ཕྱག་ཡངས་གནང་ཆོག་གི་མེད་པ་རེད།
གླེང་སྟེགས།