བྷ་ཌན་གཞུང་གིས་བོད་དང་བོད་མིའི་ཆེད་ཁས་ལེན་ག་རེ་གནང་ཡོད།

ཕྱི་ལོ་༢༠༢༠ ཕྱི་ཟླ་དགུ་བའི་ཚེས་༣ ཉིན་བྷ་ཌན་དང་ཧེ་རཱི་སིའི་དྲིལ་སྒྲོག་ལས་ཁང་གིས་བོད་ཀྱི་གནད་དོན་ཐད་གསལ་བསྒྲགས་ཤིག་སྤེལ་ནས་རྒྱ་ནག་གཞུང་གི་མངའ་འོག་ཏུ་གཉའ་གནོན་མྱོང་བཞིན་པའི་བོད་མི་རྣམས་ལ་རྒྱབ་སྐྱོར་བྱ་རྒྱུའི་ཁས་ལེན་དང་། རྒྱ་ནག་གཞུང་གིས་བོད་དུ་ལག་བསྟར་བྱེད་བཞིན་པའི་སྲིད་ཇུས་ཁག་ལ་སྐྱོན་བརྗོད་གནང་བ་རེད། ཕྱི་ཟླ་བརྒྱད་པའི་ཚེས་༢༨ དང་༢༩ བཅས་ཉིན་གཉིས་རིང་པེ་ཅིང་དུ་བོད་ཀྱི་ལས་དོན་གླེང་མོལ་ཚོགས་འདུ་ཐེངས་བདུན་པ་ཟེར་བ་འཚོགས་ཤིང་། ཞི་ཅིན་ཕིང་གིས་ཚོགས་འདུ་དེའི་ཐོག་གཏམ་བཤད་གནང་བ་དེར་ལན་འདེབས་ལྟ་བུའང་ཆགས་ཡོད། ཨ་རིའི་འདེམས་ཐོན་སྲིད་འཛིན་ལ་ཆགས་པའི་ཇཱོ་ བྷ་ཌན་ལགས་ཀྱི་གཞུང་འཛིན་ལས་ཁང་གིས་བོད་དོན་ཐད་ག་རེ་གནང་རྒྱུའི་ཁས་ལེན་བྱས་པའི་བསྒྲགས་གཏམ་དེ་ནོར་བུ་བསམ་འཕེལ་ལགས་ཀྱིས་ཆ་ཚང་ངོ་སྤྲོད་བྱས་ཡོད།