༄༅།། ཨ་མི་རི་ཀའི་གཞུང་གི་སློབ་སྟོན་ཚོགས་ཆུང་གིས་Pfizer-BioNTech ཡིས་བཟོས་པའི་ཏོག་དབྱིབས་ནད་དུག་སྔོན་འགོག་སྨན་ཁབ་དེ་ཛ་དྲག་ཆེད་བེད་སྤྱོད་བྱ་རྒྱུ་རེས་གཟའ་ཕུར་བུའི་ཉིན་རྒྱབ་གཉེར་གནང་ཡོད་པ་དང་། བདུན་ཕྲག་འདིའི་གཟའ་མཇུག་ནས་འགོག་ཁབ་རྒྱག་རྒྱུ་འགོ་འཛུགས་བྱ་རྒྱུ་ཡིན་པ་རེད། བདུན་ཕྲག་འདིའི་མགོ་སྟོད་དུ་ཉིན་གཅིག་གི་ནང་མི་སུམ་སྟོང་བརྒྱ་ལྷག་འཆི་སྐྱོན་བྱུང་སྟེ་ཨ་མི་རི་ཀ་ནི་ཏོག་དབྱིབས་ནད་དུག་ཕོག་པའི་རྐྱེན་འདས་གྲོངས་སུ་གྱུར་བའི་གྲངས་འབོར་མང་ཤོས་ཆགས་ཡོད་པའི་སྐོར། འདི་ག་རླུང་འཕྲིན་ཁང་གི་ཕོ་བྲང་དཀར་པོའི་གནད་དོན་གསར་འགོད་པས་སྤེལ་བའི་གནས་ཚུལ་ནམ་མཁའ་བསྟན་འཛིན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།།
