ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་གཞོན་པ་སོགས་ཀྱིས་མཐའ་མཚམས་སུ་གཟིགས་སྐོར་དང་། སྒོ་ཁྲལ་ཕྱི་འགྱངས་བྱས་པ། ཨ་རིའི་ཁྲིམས་འཛིན་ལས་ཁུངས་ཀྱིས་རྒྱ་ནག་གི་དྲ་ལམ་སིམ་འཛུལ་བ་ཁག་ཅིག་ཁྲིམས་ལ་གཏུག་པ། ཨུ་རུ་སུ་དང་འབར་མའི་མཇལ་མོལ། ལྷོ་ཀོ་རི་ཡ་དང་པོ་ལན་ཌིའི་མཉམ་འབྲེལ། དམག་སྦྱོང་ཁྲོད་ཀྱི་ཆག་སྒོ་སོགས་ཡོད། ཐེངས་འདིའི་ཁ་བའི་མི་སྣ་ལེ་ཚན་ནང་ཕུན་ཚོགས་ལྷུན་གྲུབ་ལགས་ཀྱིས་རྒྱུད་སྨད་སྔགས་རམས་པ་སྨན་པ་ཨ་ཏི་ལགས་དང་ལྷན་དུ། ཉེ་ལམ་བོད་ནང་སྐུ་གཤེགས་པའི་ཤར་རྒྱལ་མོ་ཚ་བ་རོང་གི་མཁས་དབང་ཆེན་མོ་བཙན་ལྷ་ངག་དབང་ཚུལ་ཁྲིམས་དམ་པའི་སྐུ་ཚེའི་ལོ་རྒྱུས་སྐོར་བགྲོ་གླེང་ཞུ་རྒྱུ་ཡིན།