ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྲིད་འཛིན་ཊམ་གྱིས་ཨུ་རུ་སུའི་སྲིད་འཛིན་དང་ཨུ་ཡུག་དམག་འཁྲུག་མཚམས་འཇོག་ཐད་གྲོས་མོལ་གནང་བ་དང་། རུ་བྷི་ཡོ་འཇར་མན་དུ་རྒྱལ་སྤྱིའི་བདེ་འཇགས་ཚོགས་ཆེན་ལ་མཉམ་ཞུགས། བོད་རང་བཙན་གསལ་བསྒྲགས་བྱས་ནས་ལོ་༡༡༢ འཁོར་བའི་དུས་དྲན་སྲུང་བརྩི། ཡར་ཀླུང་གཙང་པོའི་ཆུ་མཛོད་ལ་རྒྱ་གར་གྱི་ངོ་རྒོལ་སོགས་ཡོད། ཁ་བའི་མི་སྣའི་ལས་རིམ་དུ་བཀྲ་ཤིས་དབང་ཕྱུག་ལགས་ཀྱིས་ལོ་རབས་བརྒྱད་བཅུ་བའི་ནང་སྐད་གྲགས་ཆེ་བའི་བོད་ཀྱི་གཞས་པ་བྱམས་པ་ཚེ་རིང་ལགས་ཀྱི་སྐོར་ལ་འདི་ག་ཨ་རིའི་རླུང་འཕྲིན་ཁང་གི་ལས་བྱེད་ཟུར་པ་བསྟན་འཛིན་ལྷུན་གྲུབ་ལགས་གདན་འདྲེན་ཞུས་ཏེ་གླེང་མོལ་ཁག་ཅིག་ཞུས་ཡོད། ཐེངས་འདིའི་དྲ་སྣང་གི་བོད་དུ་གཞིས་བྱེས་བོད་མི་ཡོངས་ཀྱིས་༧སྐུའི་གཅེན་པོ་རྒྱལ་ལོ་དོན་གྲུབ་ལགས་རྗེས་དྲན་ཞུས་པ་ཕྱོགས་སྒྲིག་དང་། རྒྱལ་ལོ་དོན་གྲུབ་ལགས་ཀྱི་དཔེ་དེབ་ཕབ་ལེན་བྱེད་ས་ངོ་སྤྲོད་སོགས་ཡོད།