ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྐུའི་གཅེན་པོ་རྒྱ་ལོ་དོན་གྲུབ་ལགས་ཀྱི་སྐུ་ཕུང་ཞུགས་འབུལ་གནང་བ་དང་། ཨ་རིས་ནང་འདྲེན་བྱས་པའི་ངར་ལྕགས་ལ་སྒོ་ཁྲལ་སྤར་རྒྱུ། ཨི་སི་རལ་དང་ཧ་མ་སིས་མུ་མཐུད་མི་གཏའ་གློད་རེས་བྱ་རྒྱུ། སྲིད་འཛིན་གཞོན་པ་བཅོས་རིག་གི་ཚོགས་ཆེན་ལ་ཞུགས་པ། ལྷོ་ཀོ་རི་ཡའི་དམག་སྦྱོང་སོགས་ཡོད། ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་སྐུ་ངོ་བཀྲས་མཐོང་བསྟན་འཛིན་རྣམ་རྒྱལ་ལགས་དང་ལྷན་དུ། ༸སྐུའི་གཅེན་པོ་བཀའ་ཟུར་རྒྱ་ལོ་དོན་གྲུབ་མཆོག་གི་སྐུ་ཚེའི་ལོ་རྒྱུས་དང་བོད་དོན་ཐོག་སྐུ་ལས་བསྐྱོན་པའི་མཛད་རྗེས་སོགས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།