ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་སྙན་ངག་པ་དཔལ་མགོན་ལགས་བཙོན་གྲོལ་དང་། ཕྱི་སྲིད་དྲུང་ཆེ་རུ་བྷི་ཡོ་ཡིས་པ་ཎ་མ་གྲུ་ཡུར་ཐད་ཉེན་བརྡ་བཏང་བ། རྒྱ་ནག་གིས་བོད་དུ་འཛིན་པའི་སྲིད་ཇུས་ཀྱིས་རྒྱ་གར་ལ་ཤུགས་རྐྱེན་ཞེས་པའི་ཚོགས་འདུ། རྒྱ་གར་གྱི་བོད་དོན་རྒྱབ་སྐྱོར་བ་ཞིག་འདས་གྲོངས། རེ་ཆར་ཌི གྷེ་ཨེར་ལ་གཟེངས་རྟགས་སོགས་ཡོད། ཀུན་གླེང་ལས་རིམ་དུ་རྒྱ་ནག་གི་མིས་བཟོས་རིག་ནུས་ Deepseek ཞེས་པ་དེས་ཨ་རི་གཙོས་རྒྱལ་སྤྱིའི་སྟེང་ཤུགས་རྐྱེན་ཅི་ཐེབས་དང་། བྱེ་བྲག་Deepseek རིག་ནུས་དེས་རྐྱེན་པས་རྒྱ་ནག་ལ་དྲིལ་བསྒྲགས་དང་བོད་དོན་ལ་ལོག་འགྲེལ་ཇི་འགྲོ། དེ་བཞིན་རིག་ནུས་དེས་འཛད་སྤྱོད་པ་སྒེར་གྱི་བདེ་འཇགས་ཀྱི་གནས་སྟངས་ཅི་ཆགས་སོགས་དང་འབྲེལ་ནས་བཀའ་མོལ་ཞུས་ཡོད།