ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༸གོང་ས་སྐྱབས་མགོན་ཆེན་པོ་མཆོག་གིས་རྒྱ་གར་ལྷོ་ཕྱོགས་སུ་བོད་མི་བགྲེས་སོང་ཁག་ཅིག་ལ་མཇལ་ཁ་སྩལ་སྐོར་དང་། ཨ་རིའི་རྒྱལ་སའི་ཉེ་འཁྲིས་སུ་གནམ་གྲུ་བརྡབ་སྐྱོན་བྱུང་བ། ཨི་སི་རལ་དང་ཧ་མ་སིའི་དབར་མེ་འཕེན་མཚམས་འཇོག་གི་གྲོས་མཐུན་གཞིར་བཟུང་མི་གཏའ་གློད་གློལ་གཏོང་བ། རྡུལ་མཚོན་ཉུང་འཕྲི་གཏོང་ཐབས་ཀྱི་རེ་འདུན་བཏོན་སྐོར་སོགས་ཡོད། ཀུན་གླེང་ལས་རིམ་དུ་པཎ་ཆེན་སྐུ་ཕྲེང་བཅུ་པ་ཆོས་ཀྱི་རྒྱལ་མཚན་མཆོག་དགོངས་པ་རྫོགས་ནས་ལོ་༣༦་འཁོར་བའི་དུས་དྲན་དང་པཎ་ཆེན་རིན་པོ་ཆེ་སྐུ་འཚོ་བཞུགས་སྐབས་སུ་བོད་ཀྱི་ཆོས་དང་རིག་འཛིན་སྐྱོང་སྤེལ་གསུམ། རྒྱ་ནག་གི་རྩ་ཁྲིམས་སུ་འཁོད་པའི་བོད་མི་དམངས་ཀྱི་ཐོབ་ཐང་རྩོད་ལེན་གནང་བའི་མཛད་རྗེས་སོགས་ལ་རྡོ་རྗེ་ཚེ་བརྟན་ལགས་ཀྱིས་སྐུ་འབུམ་བྱམས་པ་གླིང་གི་དགོན་བདག་ཨ་ཀྱཱ་རིན་པོ་ཆེ་བློ་བཟང་ཐུབ་བསྟན་འཇིགས་མེད་རྒྱ་མཚོ་གདན་འདྲེན་ཞུས་ནས་བགྲོ་གླེང་ཁག་ཅིག་ཞུ་རྒྱུ་ཡིན།།