ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བྱམས་ཆོས་དང་རིགས་ཚོགས་ཀྱི་དགུན་ཆོས་ལ་གཟིགས་ཞིབ་མཛད་པ། ཨ་རིའི་སྲིད་འཛིན་གྱི་དམ་འབུལ་མཛད་སྒོ། དིང་རིའི་ས་ཡོམ་གོད་ཆག་འོག་དགོན་པ་གྲྭ་ཚང ༡༣ ལ་གཏོར་སྐྱོན། བོད་ནང་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་གསལ་བོར་བཏོན་པའི་སྙན་ཐོ་སོགས་ཡོད། ཀུན་གླེང་ལས་རིམ་དུ་ཨ་རིའི་གཞུང་འཛིན་གསར་པར་བོད་དོན་ཐོག་རེ་བ་དང་འབོད་སྐུལ་ག་རེ་ཞུ་རྒྱུ་ཡོད་མིན་ཐད་ལ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་དང་། སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ། བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་བཅས་ལ་བཅར་འདྲི་ཞུས་ཡོད།