ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་གར་སོང་ཆ་མེད་གྱུར་བའི་བོད་མིའི་སྐོར་ལ་འདྲི་ཞིབ་དང་། གྷ་ཛའི་དམག་མཚམས་འཇོག་པའི་གནས་སྟངས། དབྱིན་ཇི་དང་ཡུག་ཀེ་རན་གྱི་གན་རྒྱ། ནུབ་ཆིངས་སྒྲིག་འཛུགས་ཀྱི་ཚོགས་འདུ། ཊིག་ཊོག་གི་མདུན་ལམ། ཨ་རིའི་སྲིད་འཛིན་གྱི་དམ་འབུལ་མཛད་སྒོ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་དིང་རི་བ་བསྟན་འཛིན་འཇིགས་མེད་དང་གསར་འགོད་པ་འཇམ་དབྱངས་རྒྱ་མཚོ་རྣམ་གཉིས་གདན་འདྲེན་ཞུས་ནས་ས་ཡོམ་རྗེས་ཀྱི་ཉིན་༡༡་གི་རྗེས་སུ་ས་གནས་ཁག་གི་མང་ཚོགས་ལ་འཚོ་བའི་ཐོག་ཏུ་དགོས་ངེས་ཀྱི་རོགས་སྐྱོར་དང་སྨན་བཅོས་མཐུན་རྐྱེན་སོགས་རག་གི་ཡོད་མེད་བཅས་ལ་བགྲོ་གླེང་ཞུ་རྒྱུ་ཡིན།།