ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བོད་ཀྱི་དཔེ་མཛོད་ལས་བྱེད་རྣམས་ལ་མཇལ་ཁ་དང་བཀའ་སློབ་སྩལ་བ་དང་། བོད་ཀྱི་སྒྱུ་རྩལ་དུས་སྟོན་ཐེངས་དང་པོ་མཇུག་སྒྲིལ་བ། ཧྥ་རན་སིའི་འགྲེམས་སྟོན་ཁང་གྷི་མཱེད་མདུན་དུ་ཞུ་གཏུག་ལས་འགུལ་མུ་མཐུད་བཞིན་པ། སྲིད་སྐྱོང་མཆོག་གིས་མོན་གྷོ་གཞིས་ཆགས་ནང་འཚམས་གཟིགས་གནང་བ་སོགས་ཡོད། ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་བསྟན་འཛིན་ཟླ་བ་ལགས་དང་ལྷན་དུ་ལྟེ་གནས་ཁང་གིས་ཉེ་ལམ་ཡུ་རོབ་ཏུ་རྒྱ་ནག་གཞུང་གིས་རྒྱལ་མཚམས་བརྒལ་བའི་གཉའ་གནོན་གཏོང་བཞིན་པའི་གནས་སྟངས་སྐོར་ཞུ་གཏུག་དང་གོ་རྟོགས་སྤེལ་ཡོད་པའི་སྐོར་གླེང་མོལ་ཞུས།