ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཡུ་རོབ་ཀྱིས་ཨ་རིའི་འོས་བསྡུ་ནི་ནུབ་ཆིངས་སྒྲིག་འཛུགས་དང་ཨུ་ཡུག་དམག་འཁྲུག འཛམ་གླིང་གི་ཚོང་དོན་འབྲེལ་ལམ་སོགས་ལ་གལ་གནད་ཆེན་པོ་ཞིག་ཆགས་ཡོད་པར་ངོས་འཛིན་དང་། ཨུ་རུ་སུའི་རྡོ་སྣུམ་ལྐོག་འཚོང་གི་ཉེན་ཁ། བོད་མདོ་སྨད་རྔ་བ་ཁུལ་གྱི་ཁོར་ཡུག་སྲུང་སྐྱོབ་པ་ཞིག་གར་སོང་ཆ་མེད་གྱུར་བ་སོགས་ཀྱི་གསར་འགྱུར་ཡོད། ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ལགས་ཀྱིས་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་རིན་པོ་ཆེ་དགེ་བཤེས་ལྷ་རམས་པ་གནས་བརྟན་སྤྲུལ་སྐུ་བསྟན་འཛིན་དགེ་ལེགས་རིན་པོ་ཆེ་མཆོག་གདན་འདྲེན་ཞུས་ནས་སེར་སྨད་གྲྭ་ཚང་གི་ཐུན་མོང་མ་ཡིན་པའི་ཕྱག་བཞེས་དང་བསླབ་པ་སློབ་གཉེར་གྱི་གནས་སྟངས་སོགས་ཀྱི་ཐད་ལ་བགྲོ་གླེང་ཞུ་རྒྱུ་ཡིན།