ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་འོས་མི་གཉིས་ཀྱི་མཐའ་མའི་དྲིལ་སྒྲོག་འབོད་སྐུལ་གནང་བ་དང་། འོས་བསྡུ་འདི་ཡིས་ཡུག་ཀེ་རན་ལ་ཤུགས་རྐྱེན་ག་འདྲ་ཐེབས་སྲིད་པ། ཧེ་ཛི་བྷོ་ལས་འགོ་ཁྲིད་གསར་འདེམས་དང་ཨི་སི་རལ་གྱི་དྲག་རྒོལ། ཡུ་རོབ་ཀྱིས་རྒྱ་ནག་གི་གློག་གི་མོ་ཊར་སྒོ་ཁྲལ་འཕར་མ་སྤར་རྒྱུ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་བྱེ་གཞོང་ཚེ་དབང་རྡོ་རྗེ་ལགས་དང་ལྷན་དུ་རྒྱ་དཀར་ནག་གཉིས་ཀྱིས་ས་མཚམས་ཐད་གྲོས་མཐུན་བཞག་པའི་སྐོར་བགྲོ་གླེང་ཞུ་རྒྱུ་ཡིན།