ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་གཞོན་པའི་རྩོད་གླེང་དང་། ༧གོང་ས་མཆོག་གིས་ཉི་ཧོང་གི་སྲིད་བློན་གསར་པ་དང་ཨ་རིའི་སྲིད་འཛིན་ཟུར་པ་ཀར་ཊར་ལ་འཚམས་འཕྲིན་སྩལ་བ། བོད་མིའི་སྒྲིག་འཛུགས་ཀྱིས་མེས་པོ་དམ་པ་གྷན་དྷིའི་འཁྲུངས་སྐར་སྲུང་བརྩི། ལྡི་ལི་རུ་བཅུ་བའི་ཚེས་༡ ཉིན་རྒྱ་ནག་གཞུང་ཚབ་མདུན་དུ་ངོ་རྒོལ་བྱས་པ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཧྥ་རན་སི་བོད་རིགས་ཚོགས་པའི་ཚོགས་གཙོ་པདྨ་རིན་ཆེན་ལགས་གདན་འདྲེན་ཞུས་ནས་ཧྥ་རན་སིའི་འགྲེམས་སྟོན་ཁང་གཉིས་སུ་རྒྱ་ནག་གི་དྲིལ་སྒྲོག་གཞིར་བཟུང་ལྟར་བོད་ཀྱི་ཐ་སྙད་བཙན་བསྒྱུར་བྱེད་པ་ལ་ངོ་རྒོལ་བྱེད་བཞིན་པའི་ཐད་བགྲོ་གླེང་ཞུ་རྒྱུ་ཡིན།