ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་སྤྱི་མཐུན་ཚོགས་པའི་རྒྱས་འཛོམས་ཚོགས་ཆེན་སྐོར་དང་། བལ་ཡུལ་གྱི་སྲིད་བློན་གསར་པས་མཛད་འགན་དམ་བཅའ་ཕུལ་བ། རྒྱ་ནག་གི་དཔལ་འབྱོར་འཕེལ་རྒྱས་ཇེ་དལ་དུ་སོང་བ། རྒྱ་གར་དུ་ཨེ་ཤི་ཡའི་རྒྱུ་སྟོབས་ཆེ་ཤོས་ཀྱི་བུའི་ཆང་སའི་མཛད་སྒོ། གསར་འགྱུར་གཞན་ཁག་ཅིག་གི་གནད་བསྡུས་བཅས་ཡོད། ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་ལགས་ཀྱིས་གསར་འགོད་པ་ཚེ་བརྟན་དབང་ཕྱུག་ལགས་དང་ལྷན་དུ་རྒྱ་ནག་གི་ཚང་འཛོམས་གྲོས་ཚོཊ་དང་དཔལ་འབྱོར་གྱི་གནད་དོན་ཐད་བགྲོ་གླེང་ཞུ་རྒྱུ་ཡིན།