ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱལ་སྤྱིའི་སྟེང་ཨི་སི་རེལ་ཁ་རྡུང་གཏོང་བཞིན་པ་དང་། ཡུག་ཀེ་རེན་གྱི་དམག་འཁྲུག་ཐད་རྒྱབ་སྐྱོར་ཤུགས་ཆེར་འགྲོ་བཞིན་པ། ཡུག་ཀེ་རེན་གྱི་སྲིད་འཛིན་གྱིས་ལས་འགན་འཁུར་ནས་ལོ་ལྔ་འཁོར་པ། ཐེ་ཝན་གྱི་ཆབ་སྲིད་དང་སྲིད་འཛིན་གསར་པའི་ལས་དོན། ཨ་རིའི་འོས་བསྡུའི་ཁྲོད་ཀྱི་ཆོས་དད་བེད་སྤྱོད་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཐེ་ཝན་གྱི་བོད་དོན་ལས་འགུལ་བ་དང་དམངས་གཙོ་ཡར་ཐོན་ཚོགས་པའི་ཚོགས་མི་བཀྲ་ཤིས་ཚེ་རིང་ལགས་དང་ལྷན་ཐེ་ཝན་གྱི་ཕྱིའི་དགྲ་དང་གྲོས་ཚོགས་གཙོ་བྱས་པའི་ནང་ལོགས་ཀྱི་རྩོད་རྙོག་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་གནས་ལྟ་ཞིབ་ཁང་གི་ཉམས་ཞིབ་པ་བསྟན་འཛིན་ཆོས་སྐྱིད་ལགས་གདན་འདྲེན་ཞུས་ནས་ཆུ་གློག་འཛུགས་སྐྲུན་གྱི་ཉེན་ཁ་དང་བོད་མིར་འཕྲད་ཀྱིན་པའི་དཀའ་ངལ་སོགས་ཀྱི་ཐད་བགྲོ་གླེང་ཞུ་རྒྱུ་ཡིན།།