ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་དམག་སྒར་ལ་གཏོར་རྒོལ་ཐེབས་པར་ཡ་ལན་སློག་རྒྱུའི་གནོན་ཤུགས་ཆེ་རུ་འགྲོ་བཞིན་པ་དང་། ཨུ་རུ་སུ་དང་ཡུག་ཀེ་རེན་གྱི་དམག་འཁྲུག་ཁྲོད་ཕན་ཚུན་ལ་གཏོར་རྒོལ། ཧོང་ཀོང་གི་བདེ་འཇགས་ཁྲིམས་ཡིག ཨ་རི་དང་རྒྱ་ནག་གིས་ཉལ་ཐའི་བཀག་སྡོམ་ཐད་གྲོས་མོལ། རྒྱ་གར་གྱི་ཧིན་རྡུ་མི་རིགས་རིང་ལུགས་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨེ་ཤ་ཡ་ནང་པའི་ཞི་བདེ་ལྷན་ཚོགས་ཀྱི་དྲུང་ཆེ་གཞོན་པ་བསོད་ནམས་དབང་ཕྱུག་ལགས་གདན་འདྲེན་ཞུས་ནས་ ༧གོང་ས་མཆོག་འཛམ་གླིང་ནང་བའི་དབུ་ཁྲིད་དུ་ངོས་འཛིན་གྱི་སྤྱི་མོས་གྲོས་ཆོད་བཞག་པའི་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་ཀྱི་ལོ་རྒྱུས་ཉམས་ཞིབ་པ་དང་རྩོམ་པ་པོ་ཧོར་གཙང་འཇིགས་མེད་ལགས་གདན་འདྲེན་ཞུས་ནས་བཙན་བྱོལ་བའི་བོད་ཀྱི་ལོ་སར་དང་དོན་སྙིང་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།