ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གི་སྒང་ཏོག་གི་མཛད་འཕྲིན་དང་། འཛམ་གླིང་གང་སར་བོད་མི་རྣམས་ཀྱིས་ནོ་བྷེལ་ཞི་བདེའི་གཟེངས་རྟགས་དུས་དྲན་སྲུང་བརྩི། ཡུག་ཀེ་རེན་ལ་དམག་དོན་རྒྱབ་སྐྱོར། གྷ་ཛའི་དམག་འཁྲུག་ཐད་རྒྱལ་ཚོགས་སུ་འོས་བསྡུ། སྐུའི་གཟེངས་རྟགས་སྒྲིག་གཤོམ་ལ་མཇལ་སྐལ་སྤྲོད་རྒྱུའི་ལས་གཞི་དབུ་འབྱེད་སོགས་ཡོད། ཀུན་གླེང་ལས་རིམ་དུ་བསྟན་འཛིན་ནོར་བཟང་ལགས་ཀྱིས་རྒྱ་གར་གྲོས་ཚོགས་འཐུས་མི་ཟུར་པ་སྐུ་ཞབས་དཔལ་ལྡན་ཚེ་རིང་རྒྱ་མཚོ་ལགས་དང་། སྒང་ཏོག་ས་གནས་འགོ་འཛིན་ལྷག་པ་ཚེ་རིང་ལགས་རྣམ་གཉིས་དང་ལྷན་དུ་༧གོང་ས་མཆོག་གི་འབྲས་ལྗོངས་ནང་གི་མཛད་འཕྲིན་ཐད་གླེང་མོལ་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་མགོན་པོ་དོན་གྲུབ་ལགས་དང་ལྷན་བྱང་ཨ་རིའི་བོད་ཀྱི་གཞོན་ནུའི་འགན་འཛིན་ལྷན་ཚོགས་ཀྱི་ཚོགས་འདུའི་གྲུབ་དོན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།