ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་རྒྱ་གར་གྱི་སློབ་ཕྲུག་ལ་མཇལ་ཁ་གནང་བ་དང་། སྟོབས་ཆེན་རྒྱལ་ཁབ་ཉི་ཤུའི་ཚོགས་འདུ་དང་བསྟུན་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་དུ་ངོ་རྒོལ། ཨ་རིའི་གྲོས་ཚོགས་ཀྱིས་རྒྱ་ནག་གི་གནད་དོན་ཐད་ཉན་ཞིབ། ཡུག་ཀེ་རན་གྱི་དམག་འཁྲུག ལྕམ་བྷ་ཌན་གྱི་ཕྱོགས་སྐྱོད་སོགས་ཡོད། ཀུན་གླེང་ལས་རིམ་དུ་འཇམ་དབྱངས་རྒྱ་མཚོ་ལགས་ཀྱིས་ཤེས་རིག་ལས་ཁུངས་ཀྱི་མཐོ་སློབ་སློབ་ཡོན་ཚན་པའི་འགན་འཛིན་བསོད་ནམས་བཟང་མོ་ལགས་ལ་བོད་མིའི་སྒྲིག་འཛུགས་ཀྱི་ཕྱི་ལོ་ ༢༠༢༣ ལོའི་ཤེས་རིག་སློབ་ཡོན་འཆར་གཞི་གསར་པའི་ཐད་བཅར་འདྲི་ཞུས་ཡོད། དེ་བཞིན་དུ་ཚེ་རིང་སྐྱིད་ལགས་ཀྱིས་ཀ་བཙན་བླ་མ་སྐྱབས་ལགས་དང་ལྷན་ཉེ་ཆར་དགོངས་པ་རྫོགས་པའི་དགེ་རྒན་ཆེན་མོ་དང་ལོ་ཙཱ་བ་སངས་རྒྱས་ལགས་ཀྱི་སྐུ་ཚེའི་མཛད་རྗེས་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།