ཀུན་གླེང་གསར་འགྱུར་ནང་ཨ་རིའི་བར་མའི་འོས་བསྡུའི་མཇུག་འབྲས་ལ་དཔྱད་ཞིབ་དང་། སྲིད་འཛིན་ཟུར་པ་ཊམ་གྱི་ཤུགས་རྐྱེན། རྒྱལ་སྤྱིའི་སྟེང་འོས་བསྡུ་འདིར་དོ་སྣང་བྱེད་བཞིན་པ་དང་། ཨ་རི་དང་རྒྱ་ནག་གི་ཆེས་མཐོའི་མཇལ་འཛོམས། འཛམ་གླིང་ཁོར་ཡུག་ཚོགས་ཆེན་ཐོག་སྲིད་འཛིན་བྷ་ཌན་གྱིས་གཏམ་བཤད་གནང་རྒྱུ་ཡིན་པ་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་ཆབ་སྲིད་བཙོན་པ་ཨ་མ་ཨ་བདེ་ལགས་ངོ་སྤྲོད་བྱས་ཡོད། མི་ལོ་༢༧ ཙམ་རིང་བཙོན་ཁང་འདྲ་མིན་དུ་དཀའ་སྡུག་ཚད་མེད་མྱངས་ནས་༡༩༨༧ ལོར་བཙན་བྱོལ་དུ་ཕེབས་ཏེ་བོད་དོན་དྲིལ་བསྒྲགས་ཤུགས་ཆེ་གནང་བ་རེད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་ཟི་ལིང་སྟོང་འཁོར་རིན་པོ་ཆེ་བསྟན་འཛིན་བྱང་ཆུབ་བློ་བཟང་རྒྱ་མཚོ་དང་མདོ་སྔགས་ཀུན་ཕན་གླིང་གི་ཆོས་དགེ་དགེ་བཤེས་བློ་བཟང་དར་རྒྱས་རྣམ་གཉིས་ལ་སེར་སྨད་ཐོས་བསམ་ནོར་གླིང་གྲྭ་ཚང་གིས་བྱང་ཨ་རིར་སྨན་བླའི་སྒྲུབ་མཆོད་བཙུགས་ཏེ་བོད་ཀྱི་ཆོས་དང་རིག་གཞུང་དར་སྤེལ། མི་དམངས་ལ་ལུས་སེམས་འཕྲོད་བསྟེན་གྱི་སྟོན་གནང་གི་ཡོད་པ་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།