ཉེ་རབས་བོད་ཀྱི་སྲིད་དོན་ལོ་རྒྱུས་དང་ལྷ་སྲས་རྒྱལ་ལོ་དོན་གྲུབ།

སྤྱི་ཟླ་༡༢ཚེས་༤ཉིན་བོད་མི་མང་སྤྱི་འཐུས་ལྷན་ཁང་གི་ཚོགས་གཙོ་པདྨ་འབྱུང་གནས་ལགས་ཀྱིས་ཤེས་རབ་དར་རྒྱས་ལགས་ཀྱིས་བརྩམས་གནང་བའི་༼ ཡོ་བ་བསྲངས་ཤིང་གབ་པ་ཕྱུང་བའི་ཉེ་རབས་བོད་ཀྱི་སྲིད་དོན་ལོ་རྒྱུས་དང་ལྷ་སྲས་རྒྱལ་ལོ་དོན་གྲུབ་༽ ཅེས་པའི་ཕྱག་དེབ་སྟོད་ཆ་དང་སྨད་ཆ་གཉིས་དབུ་འབྱེད་གནང་ཡོད་དང་། རྩོམ་པ་པོ་ཤེས་རབ་དར་རྒྱས་ལགས་ཀྱིས་དཔྱད་གཞིའི་ཡིག་ཆ་མི་འདྲ་བ་༢༠༠ལྷག་ལ་དབྱེ་ཞིབ་བྱས་ཏེ་དེང་རབས་ཀྱི་ཞིབ་འཇུག་གི་ལམ་ནས་བྲིས་པའི་དེབ་ཤིག་ཡིན་པ་དང་། ཁོང་གིས་ཉེ་བའི་ལོ་རྒྱུས་གཞན་གྱིས་མ་བྲིས་པར་སྟོང་ཆ་བསྐང་བ་ལ་ཞབས་འདེབས་ཞུས་ཡོད་པ་གསུང་པ་དང་། ཕྱག་དེབ་དེའི་ནང་དུ་ ༡༩༠༤ལོར་དབྱིན་ཇིས་བོད་ནང་ཁུལ་དུ་འགན་ཟླ་བཟོs་ཚུལ་དང་། བཙན་བྱོལ་ནང་ནས་བོད་དོན་བདེན་མཐའ་ཞི་བ་དང་དྲག་པོ་གཉིས་ཀྱི་ལམ་ནས་གསལ་ཐབས་གནང་ཡོད་པ་དང་སྐུའི་གཅེན་པོ་བཀའ་བློན་ཁྲི་ཟུར་རྒྱལ་ལོ་དོན་གྲུབ་ལགས་ཀྱིས་སྤྱི་ལོ་༡༩༦༠ ལོར་གློ་སྒྲིག་འཛུགས་དང་། ༡༩༦༢ལོར་བོད་ཀྱི་དམག་སྡེ་ཨང་༢༢བཙུགས་པ་སོགས་ཀྱི་གནས་དོན་རྣམས་ཁ་གསལ་གླེང་ཡོད་པ་རེད་འདུག