བོད་དང་རྒྱ་གར་གྱི་ས་མཚམས་སུ་རྒྱ་དཀར་ནག་གཉིས་ཀྱི་དམག་དཔུང་བར་ཡང་དང་བསྐྱར་དུ་འགལ་ཟླ་ཤོར་བཞིན་པ་དང་། རྒྱ་གར་གྱི་དམག་དཔུང་གིས་དམག་ཇུས་ཐོག་གི་གནད་ས་ཁག་བཟུང་ནས་དོགས་ཟོན་བྱེད་བཞིན་ཡོད་པ། རྒྱ་ནག་གིས་ལྷོ་རྒྱ་ནག་རྒྱ་མཚོའི་ས་ཁུལ་དུ་དམག་དོན་རྒྱ་བསྐྱེད་གཏོང་རྒྱུ་སོགས་ཀྱི་ལས་འཆར་ལ་རྒྱབ་སྐྱོར་བྱེད་མཁན་རྒྱ་ནག་གི་སྤྱི་གཉེར་ཁང་ཁག་ཅིག་ལ་ཨ་རིས་ཉེས་ཆད་གཅོད་འཆར་ཡོད་པ། ཨ་རིའི་ཕྱོགས་ནས་ཐེ་ཝན་དང་མཉམ་དུ་དཔལ་འབྱོར་མཉམ་ལས་ཐད་ཀྱི་གྲོས་མོལ་གསར་པ་ཞིག་བྱེད་འཆར་ཡོད་པའི་གསལ་བསྒྲགས་གནང་ཡོད་པའི་སྐོར་དང་། ཨ་རིའི་ཕོ་ཁྲི་ལན་ཊི་གྲོང་ཁྱེར་ནང་མི་རིགས་ནག་པོའི་ཐོབ་ཐང་རྩོད་ལེན་གྱི་ལས་འགུལ་དང་འབྲེལ་ནས་མི་གཅིག་རྐྱེན་འདས་སུ་ཕྱིན་པ་དང་། རྐྱེན་དེ་ལ་བརྟེན་ནས་ཨ་རིའི་སྲིད་འཛིན་འོས་མི་གཉིས་ཀྱིས་སོ་སོའི་ལངས་ཕྱོགས་ལྟར་སྨྲ་བརྗོད་སྤེལ་བཞིན་པ་སོགས་ཀྱི་གནས་ཚུལ་ཡོད།