ཧོང་ཀོང་དང་ལྷོ་ཀོ་རི་ཡའི་རྒྱལ་ས་སོལ། དེ་བཞིན་ཉི་ཧོང་གི་རྒྱལ་ས་ཀྲོག་ཁིའོ་བཅས་སུ་དེང་སྐབས་མི་ཚོས་ཁ་རས་མ་བརྒྱབ་པར་རང་ཁྱིམ་ནས་ཕྱི་ལ་ཐོན་ན་གཞན་གྱིས་མི་དགའ་བའི་རྣམ་འགྱུར་སྟོན་སྲིད་ཅིང་། ཏོག་དབྱིབས་རིམས་ནད་ཁྱབ་འགོ་ཚུགས་ནས་བཟུང་སྟེ་ས་ཆ་འགའ་ཤས་ལ་ཁ་རས་རྒྱག་རྒྱུ་ཀུན་གྱིས་དང་ལེན་བྱས་ཟིན་ཡོད་པ་སྟེ། ཁ་རས་མ་བརྒྱབ་པའི་མི་ཞིག་བྱུང་ན་དེ་ནི་སྤྱི་ཚོགས་ནས་ཟུར་ཕུད་བྱས་པ་ལྟ་བུ་ཞིག་ལ་འགྱུར་རྒྱུའི་ཉེན་ཀ་ཡོད་ཀྱང་རྒྱལ་ཁབ་འགའ་ཞིག་ལ་མི་དམངས་ཀྱིས་ཁ་རས་རྒྱག་གི་མེད་པའི་