དེ་རིང་ཕྱི་ཟླ་༡༡་པའི་ཚེས་༢༡་ཉིན་གྱི་བོད་ནང་གི་ཕྱི་དྲོའི་ཆུ་ཚོད་༢:༣༠ ཡས་མས་སུ་རྒྱ་གཞུང་གིས་ཆ་བགོས་བྱས་པའི་དཀར་མཛེས་བོད་རིགས་རང་སྐྱོང་ཁུལ། སེར་ཤུལ་རྫོང་། རྫ་སྨད་ཞང་ཁོངས་སུ་བསྡུས་པའི་རྫ་དབོན་པོ་ཡུལ་ཚོར་བསྐྱར་དུ་དབོན་པོ་སྡེ་བའི་ཡུལ་མི་ཡོན་ཏན་ཟེར་བ་ཞིག་དང་། ཆོས་རྒྱལ་ཟེར་བའི་མི་སྐྱ་ན་གཞོན་གཉིས་ཀྱིས་དབོན་པོ་ཡུལ་ཚོའི་ཉེན་རྟོག་ལས་ཁུངས་ཀྱི་མདུན་དུ་བོད་རང་བཙན་གྱི་ཡིག་ཆ་གཏོར་ཞོར་དུ་བོད་རང་བཙན་ཡིན་ཞེས་སྐད་འབོད་བྱས་པའི་རྗེས་སུ་འཛིན་བཟུང་བྱས་འདུག