ཨ་རིའི་སྲིད་འཛིན་ཊི་རམ་ཆབ་སྲིད་འཛིན་སྐྱོང་ཁང་གིས་བོད་རྒྱ་འབྲེལ་མོལ་ཡོང་ཐབས་སུ་འབད་བརྩོན་ཇི་བྱས་ཀྱི་སྐོར་གྲོས་ཚོགས་ལ་སྙན་ཐོ་འབུལ་ཐེངས་དང་པོ་དེ་ ཕྱི་ཟླ་ལྔ་པའི་ཚེས་༢༡ཉིན་ཕུལ་ཡོད་པ་དེའི་ནང་ བོད་རྒྱ་འབྲེལ་མོལ་བསྐྱར་གསོ་མ་ཐུབ་པ་དང་ བོད་མི་རིགས་ལ་མིང་དོན་མཚུངས་པའི་རང་སྲིད་རང་སྐྱོང་གི་གནས་བབས་ད་དུང་མ་སྤྲད་པ་ དེ་བཞིན་ བོད་མིའི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་ཚབས་ཆེ་གཏོང་བཞིན་པ་བཅས་ཀྱི་གནས་ཚུལ་གྱི་ཐད་བློ་འཚབ་ཆེན་པོ་ཡོད་ལུགས་འགྲེལ་བརྗོད་གནང་ཡོད་