ཀུན་གླེང་། ༢༠༢༤ ལོའི་ཟླ་༩ ཚེས་༦

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༸སྐྱབས་རྗེ་ཟམ་གདོང་རིན་པོ་ཆེའི་སྤྱན་རས་གཟིགས་བླ་མའི་རྣལ་འབྱོར་གྱི་ཆོས་འབྲེལ་སྐོར་དང་། ལྡི་ལི་རུ་ཉིན་གསུམ་རིང་བོད་ཀྱི་དུས་སྟོན་ཚོགས་པའི་ཁྲོད་ཨ་རིའི་གཞུང་ཚབ་ཆེན་མོ་ལྷན་བཞུགས་གནང་བ། སྲིད་བློན་མོ་དྷི་སིང་གྷ་པོར་ལ་འཚམས་འདྲིར་ཕེབས་པ། རྒྱ་ནག་དང་ཧྥེ་གླིང་རྒྱལ་ཁབ་ཁག་གི་ལྷན་ཚོགས་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བྱང་ཆུབ་ཆོས་གླིང་གི་དགེ་བཤེས་མ་ཡེ་ཤེས་བཟང་མོ་ལགས་དང་བཙུན་མ་ཀུན་དགའ་མཚོ་མོ་ལགས་དང་ལྷན་དུ་ད་ལན་ཁོང་རྣམ་པ་བྱང་ཨ་རིའི་ཁུལ་དུ་བྱང་ཆུབ་བྱམས་བརྩེའི་སྐོར་སྐྱོད་ཀྱི་གནས་སྟངས་ཐད་བགྲོ་གླེང་ཞུ་རྒྱུ་ཡིན།