༧གོང་ས་སྐྱབས་མགོན་ཆེན་པོ་མཆོག་ད་རེས་ཨ་རིའི་ནང་སྐུའི་འཕྲོད་བཞེས་སུ་ཕེབས་ལམ་དུ་སུད་སིར་ཁྱུགས་ཙམ་ཞབས་སོར་འཁོད་སྐབས་མི་མང་བཞི་སྟོང་ལྷག་ཙམ་གསོལ་མགྲོན་མདུན་དུ་བཅར་ཏེ་ཕེབས་བསུ་གཟབ་རྒྱས་ཞུས་སོང་བའི་སྐོར། ཨ་རིའི་རླུང་འཕྲིན་ཁང་གི་གསར་འགོད་པ་རབ་སྒང་ཤེས་རབ་རྒྱ་མཚོ་ཡིས་སུད་སིའི་ཛུ་རིག་ནས་གནས་ཚུལ་ངོ་སྤྲོད་ཞུ།
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ནས་སུད་སིར་བཅའ་བཞུགས་བོད་མི་རྣམས་ལ་བོད་མིའི་སྒྲིག་འཛུགས་ཀྱི་ལས་དོན་ངོ་སྤྲོད་དང་འབྱུང་འགྱུར་ལས་དོན་གནང་ཕྱོགས་ཐད་བཀའ་སློབ་དང་ཆབས་ཅིག་མི་མང་ནས་གནང་བའི་དྲི་བར་ལན་འདེབས་གནང་སོང་། དེ་བཞིན་སུད་སིའི་གྲོས་ཚོགས་ཀྱི་བོད་དོན་རྒྱབ་སྐྱོར་བ་རྣམས་ལའང་མཇལ་འཕྲད་གནང་།
