ཀུན་གླེང་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་ཕྱི་དྲིལ་དྲུང་ཆེ་བསྟན་འཛིན་ལེགས་བཤད་ལགས་དང་ལྷན་ཨ་རིའི་རྒྱལ་ཡོངས་འོས་བསྡུ་འདི་འཛམ་གླིང་སྤྱི་དང་བོད་དོན་ཐོག་གལ་གནད་ཆེན་པོ་ཆགས་པའི་ཚད་དང་། དེ་བཞིན་བཙན་བྱོལ་བོད་མི་ཚོས་དོ་སྣང་ག་ཚོད་བྱེད་ཀྱིན་ཡོད་པའི་ཐད་བགྲོ་གླེང་ཞུ་རྒྱུ་ཡིན།
ཀུན་གླེང་དུ་ཨུ་རྒྱན་བསྟན་འཛིན་ལགས་ཀྱིས་ཤེས་རིག་དྲུང་འཕར་བསྟན་འཛིན་རྡོ་རྗེ་ལགས་དང་དཔེ་སྟོན་སློབ་གྲྭའི་སློབ་མ་ཡང་བསྐྱར་སྒྲོལ་མ་ལགས་གཉིས་དང་ལྷན་ཧི་མ་ཅལ་མངའ་ཁུལ་གྱི་བོད་པའི་སློབ་གྲྭ་ཁག་གི་སློབ་ཕྲུག་ནང་ཁུལ་གྱི་རྩོམ་རིག་དང་རིག་གཞུང་འདུ་འཛོམས་ཀྱི་ཕན་ཡོན་དང་། དེའི་དམིགས་ཡུལ་བཅས་ཀྱི་སྐོར་ལ་གླེང་མོལ་ཞུས་ཡོད།
ཀུན་གླེང་གི་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་དང་ལྷན་དུ་ས་གནས་འགོ་འཛིན་གྱི་ལས་དོན་བྱེད་ཕྱོགས་དང་ནུས་པ་གོང་སྤེལ་གཏོང་ཕྱོགས་སྐོར་གླེང་མོལ་ཞུས་ཡོད།
བོད་མིའི་སྒྲིག་འཛུགས་ཀྱི་བཀའ་ཟུར་ཀརྨ་ཡེ་ཤེས་ལགས་སུ་ཁྲིམས་སྒྲིག་དགོངས་དོན་ལས་བྱེད་འདེམས་བསྐོ་ལྷན་ཁང་གི་ཚོགས་གཙོར་འོས་ཐོན་བྱུང་བ་དང་། དེ་བཞིན་གཞུང་ཞབས་ཟུར་བ་ལྷག་པ་རྒྱལ་མཚན་ལགས་རྩིས་ཞིབ་ལས་ཁང་གི་རྩིས་ཞིབ་སྤྱི་ཁྱབ་འགན་འཛིན་དུ་འོས་ཐོན་བྱུར་བ་ལྟར་ཁོང་རྣམ་གཉིས་ཀྱིས་འདི་ཟླའི་ཚེས་༣༠ཉིན་ལས་འཁུར་དམ་བཅའ་ཕུལ།
བོད་མིའི་སྒྲིག་འཛུགས་ཀྱི་དྲུང་ཆེ་ཟུར་པ་བྱེ་གཞོང་བློ་བཟང་ཚུལ་ཁྲིམས་ལགས་ཀྱི་ཆེད་དུ་མཆོད་འབུལ་སྨོན་ལམ་འཚོགས་ཡོད་པ།
ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་དོན་ལས་འགུལ་བསྟི་གནས་ཁང་གི་འཕྲུལ་ལས་རིག་པའི་འགན་འཛིན་བློ་བཟང་རྒྱ་མཚོ་སྲི་ཐར་ལགས་ལ་ཉེ་ལམ་ཁོ་རང་ཨོ་སི་ཀྲོ་ལི་ཡའི་གྲོས་ཚོགས་འཐུས་མི་དང་ཕྱི་འབྲེལ་ལས་ཁུངས་ཀྱི་འབྲེལ་ཡོད་མི་སྣར་ཐུག་ནས་བོད་དོན་ཞུ་གཏུག་གནང་བའི་སྐོར་བགྲོ་གླེང་ཞུས་པ་ཡིན།
རྒྱལ་སྤྱིའི་བོད་ཀྱི་གཞོན་སྐྱེས་ཚོགས་འདུའི་དམིགས་ཡུལ་དང་ཕན་འབྲས་བཅས་ཀྱི་སྐོར་ལ་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་དང་། དབྱིན་ཡུལ་དང་བླང་བོད་དོན་ཞུ་གཏུག་འབྲེལ་མཐུད་པ་ཏཱ་ར་ལྷ་མོ་ལགས། སྦེལ་ཇམ་དང་བླང་བོད་དོན་ཞུ་གཏུག་འབྲེལ་མཐུད་པ་བསྟན་འཛིན་དཔལ་སྒྲོན་བཅས་ལ་གླེང་མོལ་ཞུས་ཡོད།
ཀུན་གླེང་གི་ནང་བཀའ་ཟུར་བཀྲ་ཤིས་དབང་འདུས་ལགས་དང་ལྷན་དུ་ཁོང་གིས་བཙན་བྱོལ་བོད་གཞུང་ནང་ཐོག་མར་རྒན་དྲུང་གི་གནས་རིམ་ནས་འགོ་བཙུགས་ཀྱིས་དྲུང་ཆེ་དང་། དེ་ནས་བཀའ་བློན། ད་རུང་རྒྱལ་ཁབ་འདྲ་མིན་ནང་༧གོང་ས་མཆོག་གི་སྐུ་ཚབ་དོན་གཅོད་གནང་བ་སོགས་ཁྱོན་ལོ་ངོ་༤༠ རིང་སྲི་ཞུ་བསྒྲུབས་པའི་ཉམས་མྱོང་དང་འབྲེལ་བའི་བཅར་འདྲི་ཞུས་ཡོད།
ཀུན་གླེང་གི་ལས་རིམ་དུ་བོད་མིའི་སྒྲིགས་འཛུགས་ཀྱི་དྲུང་ཆེ་ཟུར་པ་འཇིགས་མེད་འབྱུང་གནས་ལགས་དང་། ཟུང་དྲུང་ཟུར་པ་ཐུབ་བསྟན་དབང་རྒྱལ་ལགས་རྣམ་གཉིས་དང་ལྷན་དུ་དེ་སྔའི་བོད་མིའི་སྒྲིག་འཛུགས་ཀྱི་གནས་བབ་སྤྱི་དང་ད་ལྟའི་ཆར་འགྱུར་བ་ཇི་འདྲ་ཕྱིན་པའི་གཟིགས་ཚུལ་སོགས་ཀྱི་སྐོར་ལ་གླེང་མོལ་ཞུས་པ་ཡིན།
ཀུན་གླེང་ལས་རིམ་དུ་ཨོ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་དང་། རྒྱལ་སྤྱིའི་བོད་ཀྱི་གཞོན་ནུའི་ཚོགས་ཆེན་ལ་མཉམ་ཞུགས་བྱེད་མཁན་འགའ་གདན་འདྲེན་ཞུས་ནས་མཇུག་སྒྲིལ་མ་ཐག་པའི་ཚོགས་ཆེན་དེའི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།
ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་ཝཱ་ཎ་དབུས་བོད་ཀྱི་ཆེས་མཐོའི་སློབ་གཉེར་སློབ་ཁང་གི་ལོ་རྒྱུས་སློབ་དཔོན་དང་ཉམས་ཞིབ་པ་ཤ་བོ་རྟ་མགྲིན་ལགས་དང་ལྷན་དུ་བོད་དང་ཧི་མ་ལ་ཡའི་ས་ཁུལ་ཁག་གི་ཆོས་དང་རིག་གཞུང་གི་འབྲེལ་ལམ་དང་དེའི་གལ་གནད་སོགས་ཀྱི་ཐད་བགྲོ་གླེང་ཞུས་ཡོད།
སྲིད་སྐྱོང་སྤེན་པ་ཚེ་རིང་མཆོག་གིས་བོད་རྒྱལ་ལོ་༢༡༥༠རབ་གནས་ཆུ་ཡོས་ལོའི་བོད་ཀྱི་གནམ་ལོ་གསར་དུ་བཞད་པའི་དགའ་སྟོན་ལ་གཞིས་བྱེས་བོད་མི་ཡོངས་སུ་འཚམས་འདྲི་གནང་བ།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཉེ་ཆར་ཏུར་ཀི་དང་སི་རེ་ཡ་རྒྱལ་ཁབ་གཉིས་ཀྱི་ནང་ས་ཡོམ་བརྒྱབ་པའི་རྐྱེན་མི་མང་པོར་སྲོག་སྐྱོན་བྱུང་བ་དང་ལུང་པར་གོད་ཆག་ཆེན་པོ་ཕོག་པར་འདི་ཚེས་༧་ཉིན་ཐུགས་གསོའི་བཀའ་ཡིག་སྩལ་གནང་མཛད་ཡོད་ཅིང་། དགའ་ལྡན་ཕོ་བྲང་ཐེབས་རྩ་ནས་ཀྱང་རོགས་དངུལ་གནང་།
ཉེ་ཆར་བཞུགས་སྒར་རྡ་རམ་ས་ལར་ཉིན་གཉིས་ཀྱི་རིང་འཚོགས་པའི་སཱི་ཤེས་ཡོན་ནམ། སྤྱི་ཚོགས་དང་། སེམས་མྱོང་། བཟང་སྤྱོད་བཅས་ཀྱི་ཤེས་ཡོན་སློབ་གསོའི་ཚོགས་འདུའི་ནང་བགྲོ་གླེང་ཇི་བྱུང་དང་། ད་བར་རྒྱལ་ཁབ་ཅི་ཙམ་གྱི་ནང་ལག་བསྟར་ཐུབ་ཡོད་མིན། མ་འོངས་མུ་མཐུད་གོང་སྤེལ་གནས་སྟངས་བཅས་ཀྱི་སྐོར་ལ་བཀའ་མོལ་ཞུས་ཡོད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་འདི་ཚེས་༢༤ཉིན་བཞུགས་སྒར་དུ་དབུས་སྨན་རྩིས་ཁང་གི་སློབ་ཐོན་པ་རྣམས་ལ་མཇལ་ཁ་གནང་ཡོད་ཅིང་། སྐབས་དེར་༧གོང་ས་མཆོག་གིས་བོད་ཀྱི་གསོ་བ་རིག་པ་མི་ཉམས་རྒྱུན་འཛིན་བྱ་དགོས་པ་ཧ་ཅང་གི་གལ་ཆེན་པོ་ཡིན་པ་བཀའ་གནང་ཡོད་པའི་སྐོར།
༧གོང་ས་མཆོག་ནས་རྒྱ་གར་གྱི་གུ་ཇ་ར་དཱ་མངའ་སྡེ་དང་ལྷོ་ཀོ་རི་ཡ་གཉིས་སུ་མི་མང་པོའི་ཚེ་སྲོག་ཤོར་ཏེ་རྐྱེན་ངན་གོ་ཆག་བྱུང་བ་ཁག་ལ་ཐུགས་གསོའི་གསུང་འཕྲིན་སྩལ་འདུག
ཕྱི་ལོ་༢༠༢༢ ཟླ་༩ ཚེས་༧ ཉིན་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་པ་དེ་བཞིན་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དབུ་བཞུགས་ཐོག་དབུ་འཛུགས་གནང་སོང་། ཚོགས་གཙོའི་དབུ་འཛུགས་གསུང་བཤད་ནང་རྒྱ་ནག་ནང་གི་ཆབ་སྲིད་འགྱུར་བ་དང་། བོད་ནང་གི་ཏོག་ནད་ཀྱི་གནས་སྟངས་སོགས་ཡོད།
བོད་ཀྱི་རྒྱལ་ས་ལྷ་ས་གཙོས་པའི་ས་ཁུལ་མང་པོའི་ནང་ཏོག་དབྱིབས་ནད་དུག་འགོས་ཁྱབ་འགྲོ་བཞིན་པའི་སྐབས་འདིར་བོད་མིའི་སྒྲིག་འཛུགས་ཀྱིས་བོད་ནང་བོད་མི་ཚོར་གདུང་སེམས་མཉམ་བསྐྱེད་གནང་གི་ཡོད་པ་མ་ཟད། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ཐུགས་སྨོན་སྐྱབས་འཇུག་ཡོང་བའི་༧སྙན་གསེང་ཞུས་ཡོད་ཅེས་གསུངས་པའི་སྐོར།
བོད་ཀྱི་རྒྱལ་ས་ལྷ་ས་གཙོས་པའི་བོད་ཡུལ་སྟོད་སྨད་བར་གསུམ་གྱི་ས་ཁུལ་མང་པོ་ཞིག་ལ་ཏོག་དབྱིབས་རིམས་ནད་འགོས་ཁྱབ་བྱུང་ཡོད་པའི་སྐབས་འདིར། མི་རྣམས་ཀྱིས་རིམས་ནད་འགོག་བཅོས་ཀྱི་ཐད་ལུས་སེམས་གཉིས་ནས་གདོང་ལེན་ཇི་ལྟར་བྱེད་དགོས་མིན་ཐད་ཀྱི་བཀའ་སློབ་ལམ་སྟོན་སོགས་ཕྱོགས་སྒྲིག་བྱས་ཡོད།
ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་དང་བླངས་ཞུ་གཏུག་ལས་འགུལ་ཚུགས་དགོས་པའི་དམིགས་ཡུལ་དང་། ད་ལྟའི་ཆར་ཚོགས་མི་འཛུལ་ཞུགས་བྱེད་མཁན་ག་ཚོད་བྱུང་བ་སོགས་ཀྱི་ཐད་ཕྱི་དྲིལ་འགྲོ་བ་མིའི་ཐོབ་ཐང་ཚན་པའི་འགན་འཛིན་འབྲུག་བསྟན་སྐྱིད་ལགས་དང་གླེང་མོལ་ཞུས་ཡོད།།
མང་སྣོན།
