ཡུ་རོབ་ནེ་དྷར་ལན་ཌིའི་བོད་རིགས་ཚོགས་པའི་ཚོགས་གཙོ་ནོར་བུ་ཚེ་རིང་གདན་འདྲེན་ཞུས་ནས་ཡུ་རོབ་གྲོས་ཚོགས་ཀྱི་འོས་བསྡུའི་གྲུབ་འབྲས་དང་། ཡུ་རོབ་གྲོས་ཚོགས་ཀྱི་འཐུས་མི་གསར་པའི་གྲས་སུ་བོད་དོན་རྒྱབ་སྐྱོར་བ་ཅི་ཙམ་འདེམས་ཐོན་བྱུང་བ་སོགས་ཀྱི་ཐད་བགྲོ་གླེང་ཞུས་ཡོད།
ཕྱི་ཟླ་༦་པའི་ཚེས་༦་ཉིན་ནི་༡༩༤༤་ལོའི་ཕྱི་ཟླ་༦་པའི་ཚེས་༦་ཉིན་མནའ་འབྲེལ་དམག་དཔུང་གིས་ནོར་མན་ཌིའི་མཚོ་ཁར་དཔུང་འཇུག་བྱས་ནས་ཧྥ་རན་སི་བཅིངས་འགྲོལ་གྱི་དམག་འཁྲུག་མགོ་བརྩོམས་ནས་ལོ་༨༠་འཁོར་བའི་དུས་དྲན་རེད། སྲིད་འཛིན་བྷ་ཌན་སོགས་འཛམ་གླིང་རྒྱལ་ཁབ་ཁག་གི་དབུ་ཁྲིད་མང་པོ་མཛད་སྒོར་ཕེབས་ནས་དུས་དྲན་སྲུང་བརྩི་ཞུས་འདུག
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་ལྷ་བླ་མ་ཡེ་ཤེས་འོད་ཀྱི་མཛད་རྗེས་དང་ཇོ་བོ་རྗེ་བོད་ལ་གདན་འདྲེན། ལྷ་བླ་མ་ཡེ་ཤེས་འོད་གར་ལོག་གི་བཙོན་དུ་སྐུ་གཤེགས་ཡོད་མེད་སོགས་ཀྱི་ཐད་ཉི་ཧོང་གི་ཨོ་ཐ་ནི་སློབ་གྲྭ་ཆེན་མོའི་མཚན་འཛིན་གཙུག་ལག་སློབ་དཔོན་ཁང་དཀར་ཚུལ་ཁྲིམས་སྐལ་བཟང་གདན་འདྲེན་ཞུས་ནས་བགྲོ་གླེང་ཞུས་ཡོད།།
༄༅།། བལ་ཡུལ་གྱི་མངའ་ཁོངས་སུ་ཚུད་པའི་བཙུམ་གྱི་ཉི་མ་བླ་མས་བཤའ་རྒྱའི་སྲོལ་རྒྱུན་གཅེས་འཛིན་བྱས་པའི་མཛད་རྗེས་ལ་ལུམྦི་ནི་ཡར་རྒྱས་ཡིད་ཆེས་ཚོགས་པས་ངོས་འཛིན་དང་ཆེ་བསྟོད་ཀྱི་ལག་འཁྱེར་ཕུལ།
ཨ་རིའི་ནེའུ་ཡོག་མངའ་སྡེའི་ཝིན་ཆེ་སི་ཊར་ས་གནས་སུ་ཆགས་ཡོད་པའི་པདྨ་དཀར་པོ་ཆོས་ཚོགས་ཀྱི་དགེ་རྒན་མཁན་པོ་དཀོན་མཆོག་སྨོན་ལམ་དང་འབུམ་རམས་པ་ལྷ་རམས་དགེ་བཤེས་རོང་པོ་བློ་བཟང་སྙན་གྲགས་གཉིས་གདན་འདྲེན་ཞུས་ནས་ས་ག་ཟླ་བའི་དུས་ཆེན་ངོ་སྤྲོད་དང་ངོས་འཛིན་གཅིག་གྱུར་ཡོད་མེད་སོགས་ཀྱི་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གླིང་མཆོག་སྤྲུལ་རིན་པོ་ཆེ་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་པའི་གོ་སྐབས་དང་བསྟུན་ནས་བོད་པ་བཙན་བྱོལ་པའི་ཁ་འཐོར་སྤྱི་ཚོགས་སུ་བོད་པའི་ཆོས་དང་རིག་གཞུང་། སྐད་ཡིག་དང་མི་རིགས་ཀྱི་ངོ་བོ་བཅས་པ་གཅེས་འཛིན་ཇི་ལྟར་བྱེད་དགོས་མིན་སོགས་ཀྱི་ཐད་བཅར་འདྲི་ཞུ་རྒྱུ་ཡིན།
དེ་རིང་གི་ཀུན་གླེང་དུ་དགའ་ལྡན་ཕོ་བྲང་གི་དྲུང་ཆེ་ཡང་སྟེང་རིན་པོ་ཆེ་དང་ཝ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ལོ་རྒྱུས་སློབ་དཔོན་བྱམས་པ་བསམ་གཏན་རྣམ་གཉིས་གདན་འདྲེན་ཞུས་ནས་སིངྒ་ལའི་དགེ་སློང་ཁག་ཅིག་གིས་ཉེ་ཆར་༧གོང་ས་མཆོག་ལ་ཕུལ་བའི་སངས་རྒྱས་ཀྱི་རིང་བསྲེལ་དེའི་ལོ་རྒྱུས་ཐད་བགྲོ་གླེང་ཞུ་རྒྱུ་ཡིན།།
༄༅།། ཨ་མི་རི་ཀའི་ཝི་སི་ཀོན་སིན་མངའ་སྡེའི་གཞུང་གཉེར་སློབ་གྲྭ་ཁག་གི་སྔོན་འགྲོའི་འཛིན་གྲྭ་ནས་འཛིན་རིམ་༡༢་བར་དུ་ཨེ་ཤི་ཡའི་མི་རིགས་ཁག་གི་ལོ་རྒྱུས་སློབ་ཁྲིད་བྱ་དགོས་ཞེས་མངའ་སྡེའི་གྲོས་ཚོགས་ཀྱིས་གྲོས་ཆོད་བཞག་པ་ལྟར་མངའ་སྡེའི་སྤྱི་ཁྱབ་ཀྱིས་ཁྲིམས་ཡིག་དེར་མཚན་རྟགས་བཀོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་རྒྱ་གར་གཞུང་གིས་བོད་ཡིག་གམ། བྷོ་ཊའི་སྐད་ཡིག་རྩ་ཁྲིམས་དོན་ཚན་དྲུག་པའི་འབྲུ་དོན་ལྟར་གཞུང་འབྲེལ་སྐད་ཡིག་ཁོངས་སུ་ངོས་འཛིན་ཐོབ་ན་དགེ་མཚན་ཅི་ཡོད་སོགས་ལ་མངའ་རིས་ནང་ཆོས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་ཚེ་དབང་རྡོ་རྗེ་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་འབྲས་སྤུངས་བློ་གསལ་གླིང་གི་ཚན་རིག་དགེ་རྒན་དགེ་བཤེས་ལྷ་རམས་པ་དགེ་ལེགས་རྒྱ་མཚོ་ལགས་ལ་བཙན་བྱོལ་སྤྱི་ཚོགས་ཀྱི་བོད་པའི་དགོན་སྡེ་ཁག་ཏུ་ཚན་རིག་སློབ་ཚན་བཙུགས་པའི་གྲུབ་འབྲས་དང་ཉམས་མྱོང་སོགས་ཀྱི་ཐད་བགྲོ་གླེང་ཞུས་ཡོད།།
བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་རིག་གཞུང་ཚན་པའི་འགན་འཛིན་དོན་གྲུབ་ཚེ་རིང་དང་ནང་བསྟན་དཔེ་ཚོགས་ལྟེ་གནས་ཁང་གི་དཔེ་མཛོད་དོ་དམ་འགོ་འཛིན་ཀརྨ་གོང་བདེ་རྣམ་གཉིས་གདན་འདྲེན་ཞུས་ནས་རྒྱལ་བའི་བཀའ་བསྟན་དཔེ་རྙིང་གཅིག་བསྡུས་ཀྱི་གྲངས་འཛིན་དཔེ་མཛོད་ལས་འཆར་ཐད་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་སེར་བྱེས་དཔེ་མཛོད་ཁང་གི་འགན་འཛིན་དགེ་བཤེས་ལྷ་རམས་པ་ངག་དབང་སྟོབས་ལྡན་ལགས་ལ་སེར་བྱེས་དཔེ་མཛོད་ཁང་དུ་དཔེ་ཆ་ལག་བྲིས་མ་དང་རྡོ་པར་མ། ཤིང་པར་མ་དང་ལྕགས་པར་མ། དཔེ་ཆ་དཀོན་རིགས་རྣམས་ཉར་ཚགས་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
ཐེངས་འདིའི་ཀུན་གླེང་ལས་རིམ་ལ་རྡོ་རྗེ་ཚེ་བརྟན་ཀྱིས་རྒྱ་གར་ལྷོ་ཕྱོགས་སྦེལ་ཀོབ་བཙན་བྱོལ་བོད་མིའི་གཞིས་ཆགས་སུ་ཡོད་པའི་སྔ་འགྱུར་རྙིང་མའི་གདན་ས་ཆེན་པོ་ཐེག་མཆོག་རྣམ་གྲོལ་གླིང་གི་བསླབ་པ་སློབ་གཉེར་དང་འཕེལ་རྒྱས། ད་ལྟའི་འཛིན་སྐྱོང་སོགས་ལ་རྣམ་གྲོལ་གླིང་གི་དྲུང་ཆེ་མཁན་པོ་བསྟན་འཛིན་ཡེ་ཤེས་ལ་བཅར་འདྲི་ཞུས་ཡོད།
ཐེངས་འདིའི་ཨ་རིའི་རླུང་འཕྲིན་ཁང་གི་ཀུན་གླེང་ལས་རིམ་ལ་གཟའ་སྤེན་ཉིན་ཐེ་ཝན་གྱི་སྲིད་འཛིན་དང་གྲོས་ཚོགས་འཐུས་མི་འོས་འདེམས་ཀྱི་ཡོད་ཅིང་། འོས་འདེམས་དང་ཐེ་ཝན་གྱི་འོས་བསྡུ་སྔོན་མ་ཁག་ལ་མ་འདྲ་བའི་ཁྱད་པར་ཅི་ཡོད་སོགས་ལ་བོད་དང་རྒྱ་ནག་གི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།
ཨ་རི་དང་རྒྱ་ནག་གཉིས་ཀྱིས་ཕྱི་འབྲེལ་བཙུགས་ནས་ལོ་༤༥་འཁོར་བའི་སྐབས་འདིར། ཨ་རི་དང་རྒྱ་ནག་གི་འབྲེལ་བས་རྒྱལ་སྤྱིའི་ཐོག་ཏུ་འགྱུར་ལྡོག་ཆེན་པོ་ཐེབས་པར་མ་ཟད། ཨ་རི་དང་རྒྱ་ནག་གི་འབྲེལ་བ་ཡར་རྒྱས། བོད་དང་ཐེ་ཝན་སོགས་ལ་ཤུགས་རྐྱེན་ཆེན་པོ་ཐེབས་པ་བཅས་ལ་བགྲོ་གླེང་ཞུས་ཡོད།
ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་དུས་བབ་རྩོམ་སྒྲིག་པ་པདྨ་མཚོ་ལགས་དང་། བོད་ཀྱི་སྲིད་བྱུས་ཉམས་ཞིབ་ཁང་གི་འབུམ་རམས་པ་ཚེ་དབང་རྡོ་རྗེ་ལགས་རྣམ་གཉིས་གདན་འདྲེན་ཞུས་ནས་༢༠༢༣་ལོར་བོད་ནང་བྱུང་བའི་གནས་ཚུལ་གལ་ཆེན་ཁག་གི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
ཨ་རིའི་ཕྱི་སྲིད་ལྷན་ཁང་གིས་ཕྱི་ཟླ་༡༢ཚེས་༡༧་འདིར་འབྲུག་གཞུང་དམངས་གཉིས་ཀས་རྒྱལ་སྟོན་དུས་ཆེན་སྲུང་བརྩི་ཞུ་བཞིན་ཡོད་པར་ལྷག་བསམ་རྣམ་དག་གིས་འཚམས་འདྲི་ཞུ་རྒྱུ་ཡིན། ཨ་རི་དང་འབྲུག་པའི་མི་དམངས་ཀྱིས་འཛམ་གླིང་འདི་བདེ་ཞིང་སྐྱིད་པ་ཞིག་ཏུ་བསྒྱུར་རྒྱུའི་ཐུན་མོང་གི་ཀུན་སློང་བཅངས་ཏེ་མཛའ་མཐུན་གྱི་འབྲེལ་བ་ཞིག་ཚུགས་ཡོད།
རྣམ་རྒྱལ་བོད་ཀྱི་ཤེས་རིག ཀུན་གླེང་ལས་རིམ་དུ་འབྲས་ལྗོངས་ཀྱི་རྒྱལ་ས་སྒང་ཏོག་ཏུ་ཚུགས་པའི་རྣམ་རྒྱལ་ཤེས་རིག་ཉམས་ཞིབ་ཁང་གི་དགོས་པ་དང་ཞིབ་འཇུག་ཁང་དེར་གནའ་དེང་གི་དཔེ་ཆ་དཀོན་རིགས་ཅི་ཙམ་ཡོད་མེད་སོགས་ལ་ཞིབ་འཇུག་ཁང་དེའི་བོད་ཡིག་ཉམས་ཞིབ་འགན་འཛིན་ཨཱཙཱརྱ་ཚུལ་ཁྲིམས་རྒྱ་མཚོ་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།།
༧གོང་ས་མཆོག་འབྲས་ལྗོངས་སུ་ཆིབས་སྒྱུར་བསྐྱང་གི་ཡོད་པའི་མཛད་འཆར་ཁག་དང་འབྲས་ལྗོངས་ཀྱི་བྱུང་རབས། བོད་དང་འབྲས་ལྗོངས་ཀྱི་ཆོས་རིག་གི་འབྲེལ་བའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
ཀུན་གླེང་ལས་རིམ་དུ་རུ་སོག་དོན་གཅོད་ཁང་གི་ཆེ་བསྟོད་སྐུ་ཚབ་དོན་གཅོད་ཏེ་ལོ་རིན་པོ་ཆེ་གདན་འདྲེན་ཞུས་ནས་ཁ་སང་བར་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་ཕུ་རག་ཏུ་འཚོགས་པའི་༢༠༢༣་ལོའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་འདུ་ཐེངས་ལྔ་པའི་སྐོར་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།
མང་སྣོན།
