བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་གྱིས་མགོན་པོ་དོན་གྲུབ་ལགས་ཚོགས་གཙོར་བསྐྱར་འདེམས་བྱས་འདུག་པ་དང་། ཉིན་གྲངས་དྲུག་རིང་གི་ཚོགས་ཆེན་གྱི་ཉིིན་མཐའ་མར་སྤྱི་ཁྱབ་དབུས་རྒྱུན་ལས་རྣམས་གསར་འདེམས་བྱས་པའི་སྐོར། བཞུགས་སྒར་ནས་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་བཏང་བའི་གནས་ཚུལ་གསན་རོགས་གནང་།།
ཕྱི་ཟླ་༨ ཚེས་༣༠ ཉིན་བཙན་དབང་འོག་གར་སོང་ཆ་མེད་དུ་ཕྱིན་པའི་རྒྱལ་སྤྱིའི་ཉིན་མོ་དང་བསྟུན། བོད་རང་བཙན་སློབ་ཕྲུག་ཚོགས་པ་དང་། རྒྱལ་སྤྱིའི་བོད་དོན་ལས་འགུལ་འབྲེལ་མཐུད་ཁང་སོགས་གཞུང་འབྲེལ་མ་ཡིན་པའི་ཚོགས་པ་ཁག་ཅིག་ནས་གར་སོང་ཆ་མེད་དུ་གྱུར་བའི་བོད་ཀྱི་ཆབ་སྲིད་བཙོན་པ་རྣམས་ཀྱི་གནད་དོན་ཁ་གསལ་བཟོ་དགོས་པའི་ལས་འགུལ་སྤེལ
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཟླ་སྔོན་མའི་ནང་ལ་དྭགས་ཁུལ་དུ་ཆིབས་ཞལ་བསྒྱུར་གནང་གིས་ཡུལ་དེའི་ནང་ཉིན་གྲངས་བཞི་བཅུ་ལྷག་ས་གནས་མི་མང་ལ་ཆོས་འབྲེལ་གནང་སྟེ། དེ་རིང་ཕྱི་ཟླ་ ༨ ཚེས་ ༣༡ ཉིན་བཞུགས་སྒར་རྒྱལ་བའི་ཕོ་བྲང་དུ་ཞབས་སོར་བདེ་བར་འཁོད་གནང་མཛད་སོང་།
ཐེངས་འདིའི་ང་ཚོའི་དཔེ་ཀློག་ལེ་ཚན་ལ་བོད་ཀྱི་དགུ་བཅུ་གསུམ་ལས་འགུལ་ཚོགས་པས་དཔར་དུ་བསྐྲུན་པའི་དཔེ་དེབ་སྟེ། ལྷད་མེད་གཡུ་ལོའི་རྔུལ་ཐིགས་ཞེས་པའི་བརྗོད་བ་སོགས་ལ་དགུ་བཅུ་གསུམ་ཚོགས་པའི་ཚོགས་གཙོ་ཟུར་པ་དང་བོད་དོན་ལས་འགུལ་བ་ངག་དབང་འོད་འབར་ལགས་སུ་བཅར་འདྲི་ཞུས་ཡོད།།
བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༨ དེ་བཞིན་བཞུགས་སྒར་རྡ་རམ་ས་ལར་རེས་གཟའ་སྤེན་པའི་ཉིན་འགོ་འཛུགས་ཀྱིས་ཉིན་གྲངས་དྲུག་རིང་སྐོང་ཚོགས་གནང་རྒྱུ་ཡིན་པ་རེད་འདུག
བོད་མིའི་སྒྲིག་འཛུགས་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་ཕྱི་ལོ་༢༠༢༢ ཟླ་བ་༨ ཚེས་༢༣ རེས་གཟའ་མིག་དམར་ཉིན་སཱ་ར་བོད་ཀྱི་མཐོ་རིམ་སློབ་གཉེར་ཁང་དུ་ཉིན་གསུམ་གྱི་སྐབས་བརྒྱད་པའི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་དབུ་འཛུགས་གནང་སོང་ལ། ད་རེས་ཀྱི་ཚོགས་འདུ་འདིར་ན་གཞོན་ཉམས་ཞིབ་པ་ ༢༤ ནས་མཉམ་ཞུགས་གནང་ཡོད།
བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་དགུ་པ་བཞུགས་སྒར་དུ་་ཉིན་གྲངས་གསུམ་རིང་ཚོགས་ཏེ། སྐབས་དགུ་པའི་བོད་ཀྱི་རྒྱལ་ཡོངས་མང་གཙོ་ཚོགས་པའི་རྒྱུན་ལས་སུ་མི་གྲངས་བདུན་འོས་འདེམས་བྱུང་སྟེ། བཀྲ་ཤིས་དོན་གྲུབ་ལགས་སྐབས་དགུ་པའི་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་གཙོར་འོས་འདེམས་བྱུང་ཡོད་པ་རེད།
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཧི་མ་ཅལ་མངའ་སྡེའི་སྤྱི་ཁྱབ་བློན་ཆེན་ལ་ཐུགས་གསོའི་བཀའ་ཡིག་གནང་བའི་ནང་འདས་པའི་ཉིན་འགའ་ཤས་ནང་ཧི་མ་ཅལ་མངའ་སྡེའི་ནང་དུ་ཆུ་ལོག་དང་ས་རུད་སོགས་ཀྱིས་རྐྱེན་པས་མིའི་སྲོག་དང་རྒྱུ་ནོར་སོགས་ལ་གོད་ཆགས་ཚབས་ཆེ་བྱུང་བར་ཐུགས་གསོ་གནང་བ་དང་ཆབས་ཅིག་ ཞལ་འདེབས་བསྩལ་པ།
ད་རེས་ཀྱི་ཀུན་གླེང་ལེ་ཚན་ནང་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་ལྷན་དུ་བཀའ་ཤག་སྐབས་ ༡༦ བཙན་བྱོལ་བོད་མིའི་མི་འབོར་གྲངས་བཤེར་ལས་འཆར་ཞིག་དབུ་འཛུགས་གནང་ཡོད་པ་བཞིན། ལས་འཆར་དེའི་དགོས་པ་རྒྱུ་མཚན་དང་། ད་ལྟའི་མི་འབོར་གྲངས་བཤེར་དེའི་གནས་བབ་ཇི་ཆགས་སྐོར་ལ་བཀའ་མོལ་ཞུས་ཡོད་། །
ཕྱི་ལོ་༢༠༢༢ ཟླ་༨ ཚེས་༡༥ ཉིན་རྡ་ས་ས་གནས་འགོ་འཛིན་གྱིས་གོ་སྒྲིག་འོག་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དབུ་བཞུགས་ཐོག མང་གཙོའི་ཀ་བ་གསུམ་གྱི་མཛད་གཙོ་རྣམ་པ་ཚང་འཛོམས་ཀྱིས་རྒྱ་གར་གཞུང་མང་གཉིས་ལ་འཚམས་འདྲི་དང་བཀའ་དྲིན་རྗེས་དྲན་ཞུ་སླད་རྒྱ་གར་གྱི་གནད་ཡོད་མི་སྣ་ཁག་ཅིག་ལ་སྣེ་ལེན་ཞུས།
ཉེ་ལམ་གཞིས་རྩེ་གྲོང་ཁྱེར་དང་ལྷ་ས་གྲོང་ཁྱེར་ཁུལ་དུ་ཏོག་ནད་ཕོག་པའི་བོད་མི་གྲངས་ཉི་ཤུ་ལྷག་བྱུང་ཡོད་པར་བརྟེན་རྒྱ་ནག་གཞུང་གིས་གྲོང་ཁྱེར་འདི་གཉིས་སྒོ་རྒྱ་བསྡམས་ཀྱང་། ཡུལ་སྐོར་སྤྲོ་འཆམ་པའི་རིགས་ལ་དམིགས་བསལ་དེ་ཙམ་དོ་དམ་བྱེད་ཀྱི་མེད་པའི་གནས་ཚུལ་ཐོན། གནད་དོན་འདིའི་ཐད་ལ་གཟིགས་ཚུལ་ཁག་ཅིག་ངོ་སྤྲོད་བྱས་ཡོད།
དེ་རིང་ཕྱི་ཟླ་༨ཚེས་༡༠རེས་གཟའ་ལྷག་པའི་ཉིན་དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག་ཉིན་གྲངས་གཉིས་རིང་༼ བཙན་བྱོལ་ནང་ད་ལྟའི་བོད་ཀྱི་རིག་གཞུང་གནས་བབ་དང་མ་འོངས་ལམ་སྟོན་ ༽ཞེས་པའི་བརྗོད་གཞིའི་ཐོག་མཁས་པའི་བགྲོ་གླེང་གི་ཚོགས་འདུ་ཞིག་བཞུགས་སྒར་དུ་བསྐོང་འཚོག་གནང་སོང་།
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་སྐུ་ཞབས་ཇའི་དྷེབ་་དྷིན་ཁར་ལ་རྒྱ་གར་གྱི་སྐབས་བཅུ་བཞི་པའི་སྲིད་འཛིན་གཞོན་པར་འདེམས་ཐོན་བྱུང་བར་འཚམས་འདྲིའི་གསུང་འཕྲིན་བསྩལ་གནང་བའི་སྐོར། བཞུགས་སྒར་ནས་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་བཏང་བ་དེ་གསན་རོགས་གནང་།
ཉེ་ཆར་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ཀྱིས་༢༠༢༢ ལོའི་འཛིན་རིམ་བཅུ་པ་དང་བཅུ་གཉིས་ཀྱི་རྒྱ་གར་རྒྱལ་ཡོངས་ཡིག་རྒྱུགས་གྲུབ་འབྲས་གསལ་བསྒྲགས་གནང་། བོད་མིའི་སྒྲིག་འཛུགས་ཀྱི་ཁྱབ་ཁོངས་སློབ་གྲྭ་བཅུ་དྲུག་ནས་སློབ་མ་ ༡༠༢༧ རྒྱལ་ཡོངས་གཅིག་གྱུར་ཡིག་རྒྱུགས་ནང་མཉམ་ཞུགས་བྱས་ཏེ་གཉིས་ལ་སྲིད་སྐྱོང་སློབ་ཡོན་ཐོབ།
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དཔལ་ལྡན་རྒྱུད་སྟོད་གྲྭ་ཚང་དང་རྒྱུད་སྨད་གྲྭ་ཚང་གཉིས་ནས་ཇི་ལྟར་གསོལ་བ་བཏབ་པ་ལྟར་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་བདེ་མཆོག་ལཱུ་ཨི་པའི་བཀའ་དབང་གི་སྔོན་འགྲོའི་སྟ་གོན་དབུ་འཛུགས་མཛད་གནང་སོང་།
དེ་རིང་ཟླ་ ༧ ཚེས་ ༡ རེས་གཟའ་པ་སངས་ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཧྥེ་ལི་ཕིང་སྤྱི་མཐུན་རྒྱལ་ཁབ་གྱི་སྲིད་འཛིན་གསར་པ་སྐུ་ཞབས་ Ferdinand Marcos Jr ལགས་ལ་འཚམས་འདྲིའི་གསུང་འཕྲིན་ཞིག་སྩལ་ཡོད་པ་རེད།
དེ་རིང་ཕྱི་ཟླ་༦ ཚེས་༢༧ རེས་གཟའ་ཟླ་བའི་ཉིན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་མཆོག་གིས་བཞུགས་སྒར་༧རྒྱལ་བའི་ཕོ་བྲང་དུ་ཀོ་རི་ཡའི་དད་ལྡན་བཞི་བཅུ་ཙམ་ལ་བྱང་ཆུབ་སེམས་པའི་སྡོམ་པ་སྩལ་བ་དང་སྦྲགས། ཀོ་རི་ཡའི་སྐད་ནང་བསྒྱུར་བའི་ནང་པའི་ཚན་རིག་དང་ལྟ་གྲུབ་ཀུན་བཏུས་དེབ་ཕྲེང་དང་པོ་དབུ་འབྱེད་བསྐྱངས།
རེས་གཟའ་ཟླ་བའི་ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་བཞུགས་སྒར་༧རྒྱལ་བའི་ཕོ་བྲང་དུ་གུ་རུ་ཀུལ་ལས་རིམ་ཞེས་པའི་རྒྱ་གར་རྒྱལ་ཡོངས་མཐོ་རིམ་སློབ་མ་མཉམ་བསྡུས་རུ་ཁག་ཅིག་ལ་མཇལ་ཁ་དང་བཀའ་སློབ་བསྩལ་གནང་མཛད་འདུག་པའི་སྐོར། བཞུགས་སྒར་རྡ་རམ་ས་ལ་ནས་འདི་གའི་གསར་འགོད་པ་འཇམ་དབྱངས་རྒྱ་མཚོ་ལགས་ཀྱིས་གནས་ཚུལ་ངོ་སྤྲོད་གནང་།
ཐེངས་འདིའི་དཔེ་ཀློག་ལེ་ཚན་ནང་བལ་ཡུལ་སྐུ་ཚབ་དོན་གཅོད་ཟུར་པ་རིན་ཆེན་དར་ལོ་ལགས་ཀྱིས་བརྩམས་པའི་གཉའ་ནང་ཚོང་འདུས་པའི་བུ་ཚ་རྒྱལ་ཁམས་པ་ཞེས་པའི་དེབ་ཕྲེང་གཉིས་པའི་ཐད། སཱ་ར་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་སློབ་དཔོན་གཙང་ཕྲུག་སྟོབས་ལགས་ལ་བཅར་འདྲི་ཞུས་ཡོད།།
མང་སྣོན།
