ཐེངས་འདིའི་ཀུན་གླེང་དུ་རྒྱ་གར་གྲོས་ཚོགས་འཐུས་མི་འཇམ་དབྱངས་ཚེ་རིང་རྣམ་རྒྱལ་མཆོག་དང་ལྷན་དུ་བྷོ་ཊི་སྐད་ཡིག་རྒྱ་གར་རྩ་ཁྲིམས་ཀྱི་ལེའུ་བརྒྱད་པའི་ཁོངས་སུ་ཚུད་ཐབས་ཀྱི་གལ་གནད་དང་། ཧི་མ་ལ་ཡའི་རྒྱུད་ཀྱི་མང་ཚོགས་ནས་བྷོ་ཊའི་སྐད་ཡིག་སྲུང་སྐྱོབ་གནང་དགོས་དོན་སོགས་ཀྱི་སྐོར་གླེང་མོལ་ཞུས་ཡོད།
༧གོང་ས་༧སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་༧ གྱི་སྔ་ཐོག་ལ་དྭགས་བསོད་ནམས་གླིང་གཞིས་ཆགས་དང་བྱང་ཐང་ས་ཁག་༩ ཡི་བོད་རིགས་ཚོ་ལ་ཐུགས་བརྩེ་བ་ཆེན་པོས་ཟུར་དུ་མཇལ་ཁ་དང་བཀའ་སློབ་བཀྲིན་བསྩལ་བའི་སྐབས། ༧གང་ཉིད་མཆོག་གིས་མ་འོངས་བོད་ཀྱི་མདུན་ལམ་དེ་གསལ་པོ་ཞེ་དྲགས་ཡོད་པ་ཡིད་ལ་འཆར་ཡོང་གིས་ཞེས་བཀའ་སྩལ་སོང་།
བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཕྱི་ལོ་༢༠༢༢ ཟླ་༨ ཚེས་༥ རེས་གཟའ་པ་སངས་ཉིན་ལ་དྭགས་མི་མང་ཡོངས་ནས་དཔལ་རྔམ་དུས་སྟོན་གྱི་གཟེངས་རྟགས་འབུལ་བཞེས་མཛད། ༧གོང་ས་མཆོག་ལ་དཔལ་རྔམ་དུས་སྟོན་གྱི་གཟེངས་རྟགས་དབུལ་རྒྱུའི་སྐལ་བཟང་བྱུང་བ་ལ་དྭགས་མི་མང་ཡོངས་ཀྱི་བསོད་ནམས་ཡིན་སྐོར་ཞུས་།
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་དེ་རིང་སྔ་ཐོག་ལ་དྭགས་ཀྱི་སློབ་ཕྲུག་ཚོར་བཀའ་སློབ་བསྩལ་བའི་སྐབས་ཚང་མས་སེམས་པ་བཟང་པོ་བྱེད་དགོས་པ་ལམ་སྟོན་གནང་ཡོད་པ་དང་། གོ་ལའི་ཚ་དྲོད་འཕེལ་བཞིན་པའི་དུས་སྐབས་འདིར་ལ་དྭགས་སློབ་ཕྲུག་ཚོས་ཤིང་སྣ་འདེབས་འཛུགས་གང་མང་གནང་རོགས་ཞེས་འབོད་སྐུལ་གནང་སོང་།
༧ གོང་ས་སྐྱབས་མགོན་ཆེན་པོ་མཆོག་སྤྱི་ཚེས་༢༣་གྱི་ཉིན་ལ་དྭགས་ཀྱི་རྒྱལ་ས་གླེ་རུ་ཡོད་པའི་ཡེ་ཤུ་དང་ཁ་ཆེའི་ཆོས་ཁང་དུ་ཕེབས་ནས་ཐུགས་བསྐྱེད་སྨོན་ལམ་གནང་ཞིང་། ཆོས་ལུགས་འདྲ་མིན་གྱི་རྗེས་འཇུག་པས་འཆམ་མཐུན་བྱེད་དགོས་པའི་བཀའ་སློབ་གནང་ཡོད་པ་སོགས་ཀྱི་གནས་ཚུལ་བསྟན་འཛིན་ནོར་བཟང་གིས་སྙན་སྒྲོན་ཞུས་ཡོད།
ཐེངས་འདིའི་ཀུན་གླེང་དུ་༧གོང་ས་མཆོག་གི་ལ་དྭགས་མཛད་འཕྲིན་དང་ས་གནས་མང་ཚོགས་ཀྱི་ནང་ཆོས་དོ་དབྱིངས་སྐོར་ལ་ཆིབས་སྒྱུར་གོ་སྒྲིག་ཚོགས་ཆུང་ཁོངས་སུ་ཡོད་པ་ཐུགས་སྲས་རིན་པོ་ཆེ་མཆོག་དང་། ལ་དྭགས་དགོན་པའི་ཚོགས་འདུའི་དབུ་སྐྱོང་བསྟན་འཛིན་དབང་གྲགས་དང་ལྷན་དུ་གླེང་མོལ་ཞུས་ཡོད།།
གསར་འགྱུར་མདོར་བསྡུས་ནང་ནག་ཆུར་ཞིབ་བཤེར་དང་འཛིན་བཟུང་གི་ལས་འགུལ། ཡུ་རོབ་གྲོང་ཁྱེར་བྷེལ་ཇམ་དུ་རྒྱལ་བའི་འཁྲུངས་སྐར་བསུས་པ། ཧྥ་རན་སི་རུ་བོད་མི་ཞིག་རྐྱེན་འདས་ཕྱིན་པའི་གནས་ཚུལ་ཡོད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་ལོ་ངོ་བཞི་ཙམ་གྱི་རྗེས་སུ་བསྐྱར་དུ་ལ་དྭགས་སུ་ཞབས་སོར་འཁོད་པ་དང་། ལ་དྭགས་པ་ཚོ་དང་ཡང་བསྐྱར་མཇལ་འཛོམས་བྱུང་བར་ཐུགས་དགྱེས་ཚོར་བྱུང་བ་དང་། ལ་དྭགས་སུ་སྔོ་ལྗང་ཤིང་སྣ་འདེབས་འཛུགས་ཀྱི་ལས་གཞི་གང་མང་སྤེལ་དགོས་གལ་ཡིན་པའི་བཀའ་སྩལ་སོང་།
ཀུན་གླེང་ལས་རིམ་དུ་བསྟན་འཛིན་ནོར་བཟང་ལགས་ཀྱིས་རྗེ་ཙོང་ཁ་པ་ཆོས་ཚོགས་ཀྱི་ངེས་སྟོན་པ་དགེ་བཤེས་བྱམས་པ་འཕྲིན་ལས་ལགས་སུ་ཨུ་རུ་སུའི་ཁྱབ་ཁོངས་ཀྱི་ནང་པའི་སྤྱི་མཐུན་ས་གནས་ཁག་ཏུ་བོད་བརྒྱུད་ནང་བསྟན་གྱིས་ཞབས་འདེགས་སྒྲུབ་ཕྱོགས་སྐོར་གླེང་མོལ་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།
རྒྱ་གར་གྱི་རྒྱལ་ས་ལྡི་ལིར་ས་གནས་བོད་རང་བཙན་སློབ་ཕྲུག་ཚོགས་པའི་ན་གཞོན་སྐོར་ཞིག་གིས་ལྡི་ལིའི་གཙུག་སློབ་གཉེར་ཁང་གི་དམངས་གཙོའི་རྩིག་གྱང་མདུན་དུ་རྒྱ་གར་གྱི་མཐོ་རིམ་སློབ་ཕྲུག་ཚོར་པཎ་ཆེན་རིན་པོ་ཆེ་མཆོག་རྒྱ་གཞུང་གིས་བཙན་ཁྲིད་བྱས་ནས་གར་སོང་ཆ་མེད་དུ་གྱུར་ཚུལ་དྲིལ་བསྒྲགས་སྤེལ།
