ནིའུ་ཡོག་དང་ནིའུ་འཇར་སི་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་བོད་མིའི་སྒྲིག་འཛུགས་ཀྱི་སྲིད་སྐྱོང་དང་། ནིའུ་ཡོག་མངའ་སྡེ་དང་གྲོང་ཁྱེར་གྱི་སྐུ་མགྲོན་དབུ་བཞུགས་ཐོག་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་ནོ་བྷེལ་ཞི་བདེའི་གཟེངས་རྟགས་འབུལ་བཞེས་མཛད་དེ་ལོ་ངོ་ ༣༥ འཁོར་བའི་དུས་དྲན་སྲུང་བརྩི་ཞུས།
སྤྱི་ལོ་ ༢༠༢༤ ཟླ་ ༧ ཚེས་ ༦ རེས་གཟའ་སྤེན་པའི་ཉིན། ནིའུ་ཡོག་དང་ནིའུ་འཇར་སི་བོད་རིགས་སྤྱི་མཐུན་ཚོགས་པའི་གོ་སྒྲིག་འོག་སྤྱི་ཁང་ཕུན་ཚོགས་སྡེ་བཞིར། བོད་མིའི་སྐྱབས་གནས་སྤྱི་ནོར་༸གོང་ས་༸རྒྱལ་བ་རིན་པོ་ཆེ་མཆོག་ཕྱི་ལུགས་ལྟར་དགུང་གྲངས་ ༨༩ ཕེབས་པའི་༸སྐུའི་འཁྲུངས་སྐར་གཟབ་རྒྱས་ངང་སྲུང་བརྩི་ཞུས་གནང་སོང་།
༧གོང་ས་མཆོག་ཞབས་པུས་སྨན་བཅོས་ཆེད་དུ་སྤྱི་ལོ་༢༠༢༤ ཟླ་༦ ཚེས་༢༡ ཉིན་བཞུགས་སྒར་རྡ་རམ་ས་ལ་ནས་ཆིབས་བསྒྱུར་བསྐྱངས་ཏེ། ལྡི་ལི་དང་སུད་སི་བརྒྱུད། དེ་རིང་ཟླ་ ༦ ཚེས་ ༢༣ སྔ་དྲོའི་ཚོུད་ ༡༠ ཐོག་ཨ་རིའི་གྲོང་ཁྱེར་ནིའུ་ཡོག་གི་ཉེ་འགྲམ་དུ་ཡོད་པའི་ནིའུ་འཇར་སིའི་ Teterboro གནམ་ཐང་དུ་ཞབས་སོར་བདེ་བར་འཁོད་གནང་སོང་།
