འབྲེལ་ཡོད་བརྒྱུད་གནས་ཚུལ་འབྱོར་གསལ་ལྟར་ན་ཟླ་འདིའི་ཕྱི་ཚེས་༨་ཡས་མས་ཤིག་ལ་རྒྱ་ནག་ཉེན་རྟོག་པས་བོད་སྐྱེ་རྒུ་མདོ་རུ་བཀྲ་ཤིས་དབང་ཕྱུགས་ལགས་རང་ཁྱིམ་ནས་འཛིན་བཟུང་བྱས་ཡོད་པ་དང་།ད་ལྟའི་ཆར་ཁོང་གང་དུ་ཡོད་མེད་དང་གནས་སྟངས་གང་འདྲ་སོགས་ཤེས་རྟོགས་མ་ཐུབ་པར་ལྷག་ཡོད་སྐོར་བརྗོད་སོང་ལ་དེ་དང་ཆབ་ཅིག་བཞུགས་སྒར་རྡ་རམ་ས་ལར་ཡོད་པའི་བོད་གནས་ལྟ་ཞིབ་ཁང་དུ་གནས་ཚུལ་འབྱོར་བ་ལྟར་ན་བཀྲ་ཤིས་དབང་ཕྱུགས་ལགས་འདི་ལོའི་སྤྱི་ཟླ་༡༠་ཚེས་ཉི་ཤུ་ཡས་མས་ཞིག་ལ་རྒྱ་ནག་གཞུང་གིས་འཛིན་བཟུང་བྱས་ཡོད་འདུག་པ་དང་ཕྱི་ཟླ་༡༡་པའི་ཚེས་༤་ཡས་མས་ཞིག་ལ་གློད་གྲོལ་བཏང་ཡོད་འདུག
རྒྱ་གཞུང་གི་བཤད་པ་ལྟར་ན་སྲིད་འཛིན་བཀག་ཉར་ཞེས་བ་དེ་ཡིན་པ་དང་།རྒྱ་གཞུང་གི་བཤད་པའི་སྲིད་འཛིན་བཀག་ཉར་ལྟར་ན་ཉིན་གྲངས་བཅུ་ནས་བཅོ་ལྔའི་བར་ལ་གློད་གྲོལ་གཏོང་གིན་འདུག།ཡིན་ནའང་བཀྲ་ཤིས་དབང་ཕྱུགས་ལགས་འཛིན་བཟུང་བྱས་བའི་སྐབས་ཀྱི་གནས་སྟངས་དང་བཀག་ཉར་སྐབས་ཀྱི་འདྲི་གཅོད་ཀྱི་གནད་དོན་གྱི་བརྒྱུད་རིམ་ཅི་འདྲ་ཞིག་ཡིན་མིན།དམིག་གསལ་ཁོང་ལ་གཅར་རྡུང་འདྲ་བྱས་ཡོད་མེད་།ཡང་ན་བཀྲ་ཤིས་དབང་ཕྱུགས་ལགས་གློད་གྲོལ་བཏང་བའི་རྗེས་སུ་གནས་སྟངས་གང་འདྲ་ཡིན་མིན་འཐད་གནས་སྐབས་རིང་རྩད་གཅོད་བྱེད་དཀའ་བའི་གནས་སུ་ལྷག་འདུག།ཡིན་ནའང་བཀྲ་ཤིས་དབང་ཕྱུགས་ལགས་རྒྱ་ནག་གཞུང་གིས་འཛིན་བཟུང་བྱས་དེ་སྲིད་འཛིན་བཀག་ཉར་བྱས་ཡོད་པ་ནི་དངོས་ཡོད་གནས་ཚུལ་རེད་འདུག་ཅེས་འབྲེལ་བརྗོད་གནང་གིན་འདུག
དེ་དང་ཆབ་ཅིག་དེངས་སྐབས་རྒྱ་ནག་གཞུང་གིས་བོད་ནང་དམ་དྲག་དང་འབྲེལ་ནས་བོད་མི་མང་པོ་ཞིག་སྲིད་འཛིན་བཀག་ཉར་བྱས་དང་བྱེད་བཞིན་པའི་འཐད་ཉམས་ཞིབ་པ་པདྨ་རྒྱལ་ལགས་ཀྱི་གསུང་དོན་བོད་ཀྱི་སྐད་ཡིག་སློབ་གསོའི་ཐོབ་ཐང་རྩོད་ལེན་པ་བཀྲ་ཤིས་དབང་ཕྱུགས་ལགས་ནི་དེ་སྔ་ཕྱི་ལོ་ཉིས་སྟོང་༡༦་ལོ་ནས་བཟུང་ཉིས་སྟོང་༢༡་བར་མི་ལོ་༥་ཙམ་གྱི་རིང་ལ་རྒྱ་ནག་གཞུང་གིས་འཛིན་བཟུང་བཙོན་འཇུག་བྱས་མྱོང་བ་མ་ཟད་ཁོང་གློད་གྲོལ་ཐོབ་པའི་རྗེས་སུའང་དུས་རྒྱུན་ཉེན་རྟོག་ཁང་དུ་འབོད་འགུག་དང་འདྲི་རྩད་སོགས་སུན་གཙེར་ཚད་མེད་བཟོ་དང་བཟོ་བཞིན་ཡོད་པ་རེད་འདུག