༄༅།། ཨ་མི་རི་ཀའི་ནང་སང་ཉིན་གཟའ་མིག་དམར་གྱི་ཉིན་/སྲིད་འཛིན་ཐེ་བས་ཨ་རིའི་རྒྱལ་ཡོངས་གྲོས་ཚོགས་ཆེན་མོའི་འོས་བསྡུ་བྱེད་ཀྱི་ཡོད་པ་ལྟར། ལྷོ་ཕྱོཌ་ཨ་མི་རི་ཀའི་མི་རིགས་ཡིན་པའི་འོས་ཤོག་བླུག་མཁན་ཡི་ཤུའི་ཆོས་དཔོན་ཚོས་སཽའི་ཆོས་ཕྱོགས་ཀྱི་ལྟ་བ་དང་། གཞན་གྱི་གཏམ་བཤད་རྩུབ་པོ་གཉིས་ནས་གང་གི་དབང་དུ་འགྲོ་དགོས་ཀྱི་ཡོད་པའི་ཐོག་ལ་ཐག་གཅོད་བྱེད་མི་ཐུབ་པའི་དཀའ་ངལ་འཕྲད་ཀྱི་ཡོད་འདུག དཔེར་ན་ཆ་བཞག་པ་ཡིན་ན། ཡི་ཤུའི་ཆོས་དཔོན་ཨར་ཏུ་རོ་ནི། གཙོ་བོ་ལྷོ་ཕྱོཌ་ཨ་མི་རི་ཀའི་ཡུལ་ཁག་ནས་ཡོང་བའི་ལེ་ཊི་ནོ་མི་རིགས་མང་པོ་ཡོད་པའི་གྲོང་ཁྱེར་ཝི་ནིག་གི་ཡི་ཤུའི་ཆོས་དད་པའི་ཆོས་དཔོན་ཞིག་ཡིན་པ་དང་། ཁོང་གིས་གསུངས་གསལ་ལ། ཁོང་བཞུགས་སའི་མངའ་སྡེ་ཨེ་རི་ཛོ་ན་ནི། མང་གཙོ་དང་སྤྱི་མཐུན་ཚོགས་པ་གཉིས་ནས་གང་ལ་རྒྱབ་སྐྱོར་བྱེད་ཀྱི་ཡོད་ངེས་གཏན་མེད་པའི་ཨ་མི་རི་ཀའི་མངའ་སྡེ་བདུན་ཡོད་པ་ནས་གཅིག་ཡིན་པ་དང་། ཁོང་བཞུགས་སའི་གྲོང་ཁྱེར་Phoenixནི། ཡི་ཤུའི་ཆོས་དད་པ་མང་པོ་ཡོད་པའི་ས་གནས་ཤིག་ཡིན་པས་མངའ་སྡེ་དེར་ཨ་མི་རི་ཀ་བ་ཚོས་དོ་སྣང་ཆེན་པོ་བྱེད་ཡུལ་ཞིག་ཆག་ས་ཀྱི་ཡོད་འདུག
ཆོས་དཔོན་ཨར་ཊུ་གྷས་གསར་འགོད་པ་ཚོར་བཀའ་མོལ་གནང་བའི་སྐབས་ “འོས་ཤོག་བླུགས་ཡག་ནི།་ཆོས་ཕྱོཌ་ཀྱི་ཡིད་ཆེས་ལ་བརྟེན་པའི་བྱ་གཞག་མགོ་རྙོགས་ཅན་ཅིག་རེད་འདུག གང་ཡིན་ཞེ་ན། ཕྱོགས་གཅིག་ནས་བེུད་ཀྱི་མངལ་དུ་ཆགས་པའི་ཕྲུ་གུ་མེད་པ་བཟོ་རྒྱུ་ཟེར་བ་དེར་ང་ཚོས་ངོ་རྒོལ་བྱེད་ཀྱི་ཡོད་པ་དང་། ཕྱོགས་གཞན་པ་ཞིག་ནས་ཨ་མི་རི་ཀའི་ནང་ཕྱི་མི་གཞིས་ཆཌ་པ་ཡོང་དུ་འཇུག་རྒྱུ་དེར་སྤྱི་མཐུན་ཚོཌ་པས་ངོ་རྒོལ་བྱེད་ཀྱི་ཡོད་རེད། བྱས་ཙང་ང་ཚོས་དེ་གཉིས་ནས་འདེམས་ཀ་བྱ་རྒྱུར་དཀའ་ངལ་འཕྲད་ཀྱི་འདུག་”་ཅེས་གསུངས་འདུག
དཀའ་ངལ་དེ་ནི། ལྷོ་ཕྱོཌ་ཨ་མི་རི་ཀ་ནས་ཡོང་བའི་ལེ་ཊི་ནོ་མི་རིགས་ཚོར་འཕྲད་པའི་དཀའ་ངལ་གསར་པ་གང་ཡང་མིན་པ་དང་། ཨ་མི་རི་ཀའི་སྲིད་དོན་ཚོགས་པ་ཆེ་ཁག་གཉིས་ཀས་ལྷོ་ཕྱོགས་ཨ་མི་རི་ཀ་ནས་ཡོང་བའི་ཡི་ཤུའི་མི་རིགས་ཚོ་ནས་རྒྱབ་སྐྱོར་གྱི་འོས་ཤོག་ཐོབ་ཐབས་བྱས་ཡོད་པ་རེད།།
རྣམ་ཀུན་བྱས་པ་ཡིན་ན། ལྷོ་ཕྱོགས་ཨ་མི་རི་ཀའི་ཡུལ་ཁག་ཚོ་ནས་ཡོང་བའི་ལེ་ཊི་ནོ་མི་རིགས་ཚོས་ཨ་མི་རི་ཀའི་མང་གཙོ་ཚོགས་པའི་སྲིད་འཛིན་གྱི་འོས་མིར་རྒྱབ་སྐྱོར་བྱེད་ཀྱི་ཡོད་པ་རེད། ཡིན་ན་ཡང་། དེ་སྔོན་ཕྱི་ལོ་༢༠༢༠འི་སྲིད་འཛིན་གྱི་འོས་བསྡུའི་སྐབས་ལྷོ་ཕྱོཌ་ཨ་མི་རི་ཀ་ནས་ཡོང་བའི་མི་རིགས་ཚོས་སྤྱི་མཐུན་ཚོགས་པའི་སྲིད་འཛིན་གྱི་འོས་མི་ཌོ་ནལྜ་ཊྲམ་ལ་རྒྱབ་སྐྱོར་གྱི་འོས་ཤོག་འཕངས་ཡོད་པ་དང་། ཨ་མི་རི་ཀའི་བསམ་ཚུལ་ཞིབ་འཇུག་ཁང་པིའུ་ཡིས་ཟླ་བ་སྔོན་མ་སྟོན་པའི་ཞིབ་འཇུག་ཞིག་གི་གྲུབ་འབྲས་ལྟར་བྱས་ན། ཨ་མི་རི་ཀའི་ཡི་ཤུའི་གྲུབ་མཐའ་གསར་མའི་མི་རིགས་བརྒྱ་ཆ་༦༦གིས་སྤྱི་མཐུན་ཚོཌ་པའི་སྲིད་འཛིན་གྱི་འོས་མི་ཌོ་ནལ་ཊྲམ་རྒྱབ་སྐྱོར་གྱི་འོས་ཤོག་འཕངས་འཆར་ཡོད་པ་དང་། ཡི་ཤུ་གསར་མའི་མི་མང་བརྒྱ་༣༣གྱིས་ལྕམ་ཀམ་མ་ཧེརྼིསི་ལ་རྒྱབ་སྐྱོར་གྱི་འོས་ཤོག་བླུགས་འཆར་ཡོད་པ་རེད།
ཨ་མི་རི་ཀའི་ནེ་ཝཱ་རྡ་མངའ་སྡེའི་གཙུག་ལག་ཁང་གི་དགེ་རྒན་ཆེན་མོ་ཇོན་ཊུ་མན་གྱི་གཟིཌ་ཚུལ་ལ་ལྷོ་ཕྱོཌ་ཨ་མི་རི་ཀའི་ཡུལ་ཁག་ཚོ་ནས་ཡོང་བའི་ལེ་ཊི་ནོ་མི་རིགས་དེ་ཚོར་སྐད་དབྱིན་སྐད་དང་། སྤེན་གྱི་སྐད་ཡིག་གི་བརྒྱུད་ནས་རོགས་རམ་བྱས་པ་ཡིན་ན། ཁོང་ཚོ་རྙིང་ཞེན་རིང་ལུགས་ཀྱི་ལྟ་ཚུལ་འཛིན་མཁན་ཆགས་སྟེ་སྤྱི་མཐུན་ཚོགས་པའི་སྲིད་འཛིན་ལ་རྒྱབ་སྐྱོར་བྱེད་མཁན་ཞིག་ཆགས་ཀྱི་ཡོད་པ་དང་། སྤེན་དང་མེཀ་སི་ཀོའི་སྐད་ཡིག་སོཌ་ཀྱི་བརྒྱུད་ནས་རོགས་རམ་བྱས་པའི་ཕྱི་མི་དེ་ཚོས་ཆབ་སྲིད་ལྟ་ཚུལ་འདྲ་མིན་སྣ་ཚོགས་བཟུང་སྟེ་མང་གཙོ་ཚོགས་པའི་སྲིད་འཛིན་གྱི་འོས་མིར་རྒྱབ་སྐྱོར་བྱེད་མཁན་ཆཌ་ཀྱི་ཡོད་པའི་གནས་ཚུལ་ཐོན་འདུག