༄༅།། ཨ་མི་རི་ཀའི་འདེམས་ཐོན་སྲིད་འཛིན་ཌོ་ནཱལྚ་ཊྲམ་གྱིས་འཁོར་ཡུག་སྲུང་སྐྱོབ་བྱ་རྒྱུར་ཨ་མི་རི་ཀས་དེ་སྔོན་ནས་ཁས་ལེན་བྱས་པའི་རོགས་རམ་དེ་ཚོ་ཕྱིར་འཐེན་གནང་སྲིད་པའི་ཉེན་ཁ་ཡོད་པའི་སྐབས་འདིར། འཛམ་གླིང་མཉམ་སྦྲེལ་རྒྱལ་ཚོགས་ཀྱིས་གོ་བསྒྲིགས་གནང་བའི་བདུན་ཕྲག་གཉིས་ཀྱི་རྒྱལ་ཚོགས་ཀྱི་འཁོར་ཡུག་གི་ཚོགས་ཆེན་དེ་ཁ་ས་གཟའ་ཟླ་བའི་ཉིན་ཨ་ཛར་བྷེ་ཇཱན་གྱི་རྒྱལ་ས་བྷཱ་གུའི་ནང་འགོ་ཚུགས་ཡོད་པ་དང་། ཚོགས་ཆེན་དེའི་སར་ཉམ་ཐག་ཡུལ་ཁག་ཚོས་དུ་བ་གློད་གཏོང་བྱེད་པ་ཉུང་ཁྲི་བྱ་རྒྱུར་/འབྱོར་ལྡན་རྒྱལ་ཁབ་ཚོས་འཕྲུལ་རིག་དང་། ནོར་སྲིད་དཔལ་འབྱོར་གྱི་རོགས་རམ་སྤྲད་ཕྱོཌ་ཀྱི་ཐོག་ལ་བཀའ་གྲོས་གཙོ་བོར་གནང་གི་ཡོད་པ་དང་། འདི་ལོའི་ཚོགས་ཆེན་གྱི་སར་འཛམ་གླིང་གི་རྒྱལ་ཁབ་༡༩༠ནས་ཡུལ་ཁག་སཽའི་དབུ་འཁྲིད་༡༠༠ཙམ་དང་། སྐུ་ཚབ་མཉམ་ཞུགས་གནང་གི་ཡོད་འདུག
འདི་ལོའི་ཚོགས་ཆེན་ཀོབ་༢༩ཟེར་བ་དེའི་སར་དེ་སྔོན་དུ་བྷ་ཡེ་དང་། གྷེ་ལེསྒོའི་ནང་འི་ཚོཌ་ཆེན་གྱི་སར་ཕེབས་པ་ནང་བཞིན་གྱི་དབུ་འཁྲིད་ཆེ་རྒུ་མང་པོ་ཕེབས་མཁན་བྱུང་མེད་པ་དང་། རྒྱལ་ཚོཌ་ཀྱིས་གསུངས་གསལ་ལ་ གནམ་གཤིས་ཚ་རུ་གཏོང་མཁན་དུ་བ་བརྒྱ་ཆ་༧༧གློད་གཏོང་བྱེད་མཁན་ཡར་རྒྱས་མྱུར་པོ་གཏོང་མཁན་འཛམ་གླིང་གི་ཡུལ་ཁག་ཆེ་གྲས་ཇི་༢༠པོ་ཡིན་རུང་། ཡིན་ན་ཡང་། འདི་ལོའི་ཚོཌ་ཆེན་གྱི་སར་འཛམ་གླིང་གི་ཡུལ་ཁག་ཆེ་གྲས་དེ་ཚོའི་ཁོངས་ནས་དབྱིན་ཇིའི་སྲིད་བློན་དང་། ཨི་ཊི་ལིའི་སྲིད་བློན། ཊར་ཀིའི་སྲིད་འཛིན་དང་། སའུ་རྡི་ཨེ་རེ་བྷི་ཡའི་ཁྲི་འཛིན་རྒྱལ་སྲས་བཅས་མ་གཏོགས་མཉམ་ཞུགས་གནང་གི་མེད་རེད།
ཁ་ས་རྒྱལ་ཚོགས་ཀྱི་འཁོར་ཡུག་གི་ཚོགས་ཆེན་དེ་འགོ་ཚུགས་པའི་སྐབས་རྒྱལ་ཚོཌ་ཀྱི་གནམ་གཤིས་ལས་ཁང་གིས་གཏམ་བཤད་ཅིག་གནང་བའི་སྐབས་ འདི་ལོ་ཕྱི་ལོ་༢༠༢༤འི་ལོར་འཛམ་གླིང་ནང་གནམ་གཤིས་ཚ་ཤོས་དེ་བྱུང་ཡོད་པ་དང་། གནམ་གཤིས་ཚ་ནས་ཚ་རུ་འགྲོ་གི་ཡོད་པ་དེས་དེ་སྔོན་ཕྱི་ལོ་༢༠༡༥འི་ལོར་ཕྲཱན་སིའི་རྒྱལ་ས་པཻ་རིསྶིའི་ཚོགས་ཆེན་གྱི་སར་བཞག་པའི་དམིགས་ཚད་དེ་དག་བསྒྲུབ་ཐུབ་ཀྱི་མེད་པའི་རྟགས་ཚན་གསལ་པོ་འདུག ཕྱི་ལོ་༢༠༡༥ནས་༢༠༢༤འི་ལོ་དུས་དེ་ནི་ལོ་རྒྱུས་ནང་བྱུང་མྱོང་མེད་པའི་ཚ་བ་ཆེ་བའི་དུས་སྐབས་ཤིག་ཆགས་ཀྱི་ཡོད་པ་དང་། པཻ་རིསྶིའི་མཐུན་གྲོས་ཀྱི་བརྒྱབས་པའི་རེ་བ་དང་དམིགས་ཚད་དེ་ཚོ་སྟོང་ཟད་དུ་འགྲོ་ཉེན་འདུག་ཅེས་གསུངས་འདུག
གནམ་གཤིས་ཚ་རུ་ཕྱིན་པ་དེས་འཛམ་གླིང་གི་ཁྱག་རོམ་དེ་ཚོ་བཞུར་བ་དང་རྒྱ་མཚོའི་མཐོ་ཚད་མཐོ་རུ་ཕྱིན་ཏེ་ས་ཁྱོན་རྒྱ་ཆེ་ཆུའི་འོག་ཚུད་པ། ཆུ་ལོག་ཤུགས་ཆེ་ཡོང་བ་སོཌ་རང་བཞིན་འབྱུང་བའི་དཀའ་ངལ་བརྗོད་ལས་འདས་པ་ཞིག་བྱུང་སྟེ་སྤྱི་ཚོགས་ལ་དཀའ་ངལ་ཆེན་པོ་བཟོ་གི་ཡོད་པ་རེད།
པཻ་རིསྶི་ཡི་མཐུན་གྲོས་ཀྱི་འོག་རྒྱལ་སྤྱིའི་ཡུལ་ཁག་ཚོས་རང་ཉིད་ཀྱི་ཚ་ཚད་དེ་སེལ་སི་ཡ་སེ་གཉིས་ཙམ་ཉུང་འཁྲི་བྱེད་དགོས་ཀྱི་ཡོད་པ་དང་། ཡུ་རོབ་ཀྱི་གནམ་གཤིས་ལས་ཁང་གིས་ཕྱི་ལོ་༢༠༢༤འི་ལོར་དེ་སྔོན་ལས་ཚ་བ་ཆེ་བ་བྱུང་སྟེ་རང་བཞིན་འབྱུང་བའི་གནོད་སྐྱོན་གོད་ཆཌ་ཆེ་བ་བྱུང་ཡོད་པ་བཤད་འདུག
རྒྱལ་ཚོགས་ཀྱི་དྲུང་ཆེ་གྷུ་ཏེ་རེ་སེ་མཆོག་གིས་ཚོགས་ཆེན་དབུ་འཛུགས་མ་གནང་གོང་གསར་འགོད་གསལ་བསྒྲགས་ཤིག་སྟོན་གནང་ཡོད་པ་དེའི་ནང་གནམ་གཤིས་ལ་འགྱུར་བ་ཆེན་པོ་འགྲོ་གི་ཡོད་པ་དེས་མིའི་འཕྲོད་བསྟེན་ལ་གནོད་སྐྱོན་གཏོང་བ་དང་། དབུལ་ཕྱུག་གི་བར་ཁྱད་ཆེ་རུ་གཏོང་བ། འཛུཌ་བསྐྲུན་ཡར་རྒྱས་ལ་འགོག་རྐྱེན་བཟོ་བ། འཛམ་གླིང་ཞི་བདེའི་རྨང་གཞིར་གནོད་སྐྱོན་དོ་ཕོགས་གཏོང་བ་སོཌ་བྱེད་ཀྱི་འདུག་ཅེས་གསུངས་འདུག
དཔྱད་ཞིབ་པ་ཚོས་གསུངས་གསལ་ལ། ཨ་མ་རི་ཀའི་ནང་གནམ་གཤིས་ཀྱི་འགྱུར་བ་དང་། གནམ་གཤིས་ཀྱིས་བཟོས་པའི་ཤུགས་རྐྱེན་ཁག་ལ་རྩོད་པ་སྐྱོན་གནང་མཁན་སྐུ་ཞབས་ཌོ་ནཱལྚ་ཊྲམ་ཨ་རིའི་སྲིད་འཛིན་དུ་འདེམས་ཐོན་བྱུང་བ་དང་། འཁོར་ཡུག་སྲུང་སྐྱོབ་ལ་དོ་ཁུར་ཆེན་པོ་བཞེས་གནང་མཁན་ཇར་མ་ནིའི་སྲིད་བློན་ཨོ་ལཱཕ་ཤོལ་གྱི་སྲིད་གཞུང་སྦོ་ལུག་པ་དེས་འདི་ལོའི་ཚོགས་ཆེན་གྱི་སར་བཀའ་མོལ་གནང་ཕྱོགས་ལ་དཀའ་ངལ་ཆེན་བཟོ་ཉེན་ཡོད་འདུག
ཨ་མི་རི་ཀའི་གནམ་གཤིས་ཀྱི་སྐུ་ཚབ་སྐུ་ཞབས་ཇོན་པོ་རྡེ་སེ་ཏ་ཡིས་གསར་འགོད་གསལ་བསྒྲགས་ཤིག་སྟོན་གནང་ཡོད་པ་དེའི་ནང་ ཊྲམ་རིང་མིན་ཕྱི་ཟླ་དང་པོའི་ནང་སླར་ཡང་ཨ་མི་རི་ཀའི་སྲིད་འཛིན་ཆགས་ཀྱི་ཡོད་རུང་། ཡིན་ན་ཡང་ ཁོང་གིས་ཨ་མི་རི་ཀས་དུ་བ་གློད་གཏོང་བྱེད་པ་ཉུང་ཁྲི་བྱེད་པའི་ལས་འགུལ་དེ་དལ་དུ་གཏོང་གི་ཡོད་པ་དེ་ལྟར་ཡང་། ཁོང་གིས་དུ་བ་གློད་གཏོང་བྱེ་པ་ཉུང་ཁྲིད་བྱེད་པའི་ལས་འགུལ་དེ་བཀག་ཐུབ་རྒྱུ་མིན་པས་རྒྱལ་སྤྱིའི་ཡུལ་ཁག་ཚོས་ང་ཚོ་ཨ་མི་རི་ཀས་གནམ་གཤིས་ཚ་རུ་འགྲོ་བ་འགོག་ཐབས་བྱེད་པའི་ལས་འགུལ་མུ་མཐུད་ལག་བསྟར་བྱ་རྒྱུར་དེ་སྔོན་ཁས་ལེན་དམ་བཅའ་བྱས་ཡོད་པ་དེ་ཚོར་སོར་གནས་བྱེད་པའི་ཡིད་ཆེས་གནང་རོགས་ཅེས་གསུངས་འདུག