རྒྱ་ནག་གི་ཕྱུག་བདག་མཱ་ཡུན་གར་སོང་ཆ་མེད་དུ་གྱུར་པ།

༄༅།། རྒྱལ་སྤྱིའི་གསར་ལམ་ཁག་ཏུ་གནས་ཚུལ་ཐོན་གསལ་ལྟར་ན། རྒྱ་ནག་གི་ཨ་ལི་བྷ་བྷ་བཟོ་ཚོང་ཁང་གསར་འཛུགས་པ་སྟེ། ཕྱུག་བདག་ཆེན་མོ་མཱ་ཡུན་གྱིས་ཕྱི་ཟླ་༡༠་པའི་ནང་དུ་ཞིས་ཅིན་ཕིང་གིས་འགོ་ཁྲིད་པའི་རྒྱ་ནག་དམར་ཤོག་སྲིད་གཞུང་གི་སྲིད་ཇུས་ལ་རྒྱབ་འགལ་གྱི་གཏམ་བཤད་ཅིག་སྤེལ་ནས་བཟུང་། ད་ལྟའི་བར་དུ་ཟླ་བ་གཉིས་ལྷག་ལ་མཱ་ཡུང་གར་སོང་ཆ་མེད་དུ་གྱུར་ཡོད་ཅིང་། ཁ་སྔོན་ཕྱི་ཟླ་༡༠་པའི་ཚེས་༢༤་ཉིན་མཱ་ཡུན་གྱིས་ཧྲང་ཧེ་གྲོང་ཁྱེར་དུ་གཏམ་བཤད་བྱས་པའི་སྐབས་སུ་རྒྱ་ནག་གི་མ་དངུལ་དོ་དམ་མ་ལག་གི་གསར་གཏོད་གྱི་རང་བཞིན་ལ་དོ་ཕོག་གཏོང་བཞིན་འདུག་ཅེས་སྐྱོན་བརྗོད་བྱས་ཡོད་པར་མ་ཟད། མ་འོངས་པའི་མི་རབས་གསར་པ་དང་གཞོན་སྐྱེ་ཚོར་གོ་སྐབས་གསར་པ་བསྐྲུན་རྒྱུའི་ཆེད་དུ་ད་ཡོད་ཀྱི་མ་དངུལ་དོ་དམ་མ་ལག་ལ་བཅོས་སྒྱུར་གཏོང་དགོས་ཞེས་འབོད་སྐུལ་བྱས་འདུག་པའི་སྐོར། ཚེ་རིང་དབང་མོས་ཕབ་སྒྱུར་དང་སྙན་སྒྲོན་ཞུ་ཡི་རེད།།

རྒྱ་ནག་གི་ཕྱུག་བདག་མཱ་ཡུན་གར་སོང་ཆ་མེད་དུ་གྱུར་པ།