ཀུན་གླེང་ཐད་གཏོང་། ༢༠༢༥ ཟླ ༡ ཚེས ༡༤

ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་ཨ་རིའི་ནང་སྲིད་འཛིན་གྱི་དམ་འབུལ་མཛད་སྒོར་གྲ་སྒྲིག་དང་། དམིགས་བསལ་ཁྲིམས་སྦྱོར་བས་ཊམ་དང་འབྲེལ་བའི་སྙན་ཐོ་བཏོན་པ། དཀྱིལ་ཤར་དམག་འཁྲུག་གི་གྲོས་མོལ། ཨ་རིའི་ནང་གི་མེ་སྐྱོན། རྒྱ་གར་གྱི་ཧིན་རྡུའི་དུས་ཆེན་སྲུང་བརྩི་སོགས་ཡོད། ཐེངས་འདིའི་ཀུན་གླེང་ལས་རིམ་ནང་ཚེ་རིང་དབང་མོ་ལགས་ཀྱིས་རྒྱ་ནག་གི་ཁྲིམས་ལུགས་ཉམས་ཞིབ་པ་སྒྲོལ་མ་སྐྱབས་ལགས་དང་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་རྣམ་གཉིས་གདན་ཞུས་ཀྱིས་དིང་རིའི་ས་ཡོམ་དང་འབྲེལ་བའི་རྒྱ་ནག་གཞུང་གི་སྲིད་ཁྲིམས་ཐད་བགྲོ་གླེང་ཞུས་ཡོད།