ཀུན་གླེང་ཐད་གཏོང་། ༢༠༢༤ ཟླ ༡༡ ཚེས ༢༧

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་སོག་ཡུལ་ནས་དགེ་བཤེས་གཏོང་སྒོ་ལ་ཕེབས་པའི་དད་ལྡན་ཁག་ཅིག་ལ་མཇལ་ཁ་སྩལ་བ་དང་། ཨི་སི་རལ་དང་ལེ་བྷ་ནོན་གྱི་མེ་འཕེན་མཚམས་འཇོག ཨ་རིའི་བདམས་ཐོན་སྲིད་འཛིན་ཊམ་གྱིས་རྒྱལ་སྲུང་དྲུང་ཆེར་མིང་འདོན་བྱས་པའི་མི་སྣ་ངོ་སྤྲོད། པ་ཀི་སི་ཐན་ནང་གི་ཟིང་ཆ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་གནས་ཉམས་ཞིབ་པ་དང་ཆབ་སྲིད་བཙོན་ཟུར་འཇམ་དཔལ་སྨོན་ལམ་ལགས་དང་ལྷན་མི་ལོ་བཅོ་ལྔའི་རིང་ཞིན་ཅང་དུ་བཙོན་འཇུག་བྱས་པའི་ཀརྨ་བསམ་གྲུབ་ལགས་དང་ཁོང་གི་གནས་སྟངས་ལས་འཕྲོས་པའི་བོད་ནང་གི་དཀའ་ངལ་ཐད་བགྲོ་གླེང་ཞུ་རྒྱུ་ཡིན།