ཀུན་གླེང་ཐད་གཏོང་། ༢༠༢༤ ཟླ་༡༠ ཚེས་༣༡

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རི་དང་ལྷོ་ཀོ་རི་ཡའི་རྒྱལ་སྲུང་དྲུང་ཆེ་གཉིས་ཝ་ཤིང་ཊོན་དུ་མཇལ་འཕྲད་གནང་བ་དང་། ཧེ་ཛི་བྷོ་ལའི་འགོ་ཁྲིད་ཀྱིས་ཆ་རྐྱེན་ཚང་ན་དམག་འཁྲུག་མཚམས་འཇོག་རྒྱུ་བརྗོད་པ། སི་པེན་གྱི་ལྷོ་ཤར་ཕྱོགས་སུ་དྲག་ཆར་དང་ཆུ་ལོག་གི་གོད་ཆག་འཕྲད་པ་སོགས་ཡོད། ཐེངས་འདིའི་བུད་མེད་ལེ་ཚན་ནང་བསྟན་འཛིན་འོད་ལྡན་ལགས་ཀྱིས་འགྲོ་ཕན་བོད་ཀྱི་སྨན་རྩིས་ཁང་གི་མཐོ་སློབ་སློབ་སྤྱི་གཞོན་པ། སྨན་པ་རྣམ་གྲོལ་ལྷ་མོ་དང་ལྷན་དུ་བུད་མེད་ཀྱི་སེམས་ཁམས་འཕྲོད་བསྟེན་དང་འབྲེལ་བའི་དཀའ་ངལ་དང་དེར་གསོ་བ་རིག་པའི་ཐོག་ནས་བཅོས་ཐབས་གང་ལྟར་བྱེད་མིན་ཐད་ལ་གླེང་མོལ་ཞུས་ཡོད། དེ་རིང་གི་དྲ་སྣང་གི་བོད་དུ་ཚེ་རིང་སྐྱིད་ལགས་ཀྱིས་ཧྥ་རན་སིའི་འགྲེམས་སྟོན་ཁང་གིས་བོད་མིང་བསྒྱུར་བར་མུ་མཐུད་དུ་ངོ་རྒོལ། བོད་མིང་བསྒྱུར་རྒྱུ་མཚམས་འཇོག་ལ་ཚོགས་པ་༡༤༠་ཡི་ཞུ་ཡིག འདི་ག་ཨ་རིའི་རླུང་འཕྲིན་ཁང་གིས་བཟོས་པའི་ཨ་རིའི་འོས་བསྡུའི་ས་ཁྲ། འོས་བསྡུ་སྔོན་མ་ཁག་དང་༢༠༢༤་ལོའི་དུས་ཐོག་གྲངས་ཐོའི་རེའུ་མིག གྷ་ཛའི་དམག་འཁྲུག་གི་བྱུང་རིམ་དང་གནས་སྟངས་སོགས་ཡོད།