ཀུན་གླེང་། ༢༠༢༤ ཟླ་༡༠ ཚེས་༢༤

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བྱང་ཀོ་རི་ཡས་ཨུ་རུ་སུ་ལ་དམག་དཔུང་བཏང་དོན་ཅི་ཡིན་སྐོར་དང་། ཉི་ཧོང་གི་འོས་བསྡུའི་ནང་གཞུང་འཛིན་ཚོགས་པ་ཉམས་སྲིད་པ། གསར་འགྱུར་གཞན་ཁག་ཅིག་གི་གནད་བསྡུས་སོགས་ཡོད། ཐེངས་འདིའི་ཁ་བའི་མི་སྣའི་ལེ་ཚན་ནང་བོད་ཀྱི་གཞོན་སྐྱེས་སྒྱུ་རྩལ་བ་བསོད་ནམས་སྟོབས་ལྡན་ལགས་ཀྱིས་ཉེ་ལམ་འཁྲབ་བཞུགས་གནང་བའི་ཤམ་བྷ་ལ་ཞེས་པའི་གློག་བརྙན་དེ་བཞིན་ད་ལོའི་སྤྱི་ཟླ་གཉིས་པའི་ནང་སྦར་ལིན་རྒྱལ་སྤྱིའི་གློག་བརྙན་འགྲན་རྩོད་ནང་མཉམ་བཞུགས་བྱས་ཡོད་པ་རེད། ཁོང་གིས་གློག་བརྙན་དེ་འཁྲབ་པའི་རྒྱུད་རིམ་དང་འབྲེལ་བའི་གནད་དོན་ཁག་ཞིག་ལ་བཅར་འདྲི་ཞུས་ཡོད།