ཀུན་གླེང་། ༢༠༢༤ ལོའི་ཟླ་༡༠ ཚེས་༡༤

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་ནས་ཉི་ཧོང་གི་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ལ་འཚམས་འདྲི་སྩལ་བ། བལ་ཡུལ་འཇང་དགུན་ཆོས་ཆེན་མོ་ཐེངས་༡༤ པ། ཧྥ་རན་སིའི་བོད་རིགས་གཞོན་སྐྱེས་ཚོས་འགྲེམས་སྟོན་ཁང་གི་མདུན་ངོ་རྒོལ་ལས་འགུལ་སྤེལ་བ། སྲིད་སྐྱོང་གླེང་སྟེགས་༢༠༠༠ སྟེང་མཉམ་ཞུགས་གནང་བ་སོགས་ཡོད། ཀུན་གླེང་ལས་རིམ་དུ་བསྟན་འཛིན་དབང་འདུས་ལགས་ཀྱིས་བོད་ཁྱིམ་སྤྱི་ཁྱབ་ཕྱི་འབྲེལ་དྲུང་ཆེ་སྐལ་བཟང་ཕུན་ཚོགས་ལགས་དང་ལྷན་དུ་དྷ་ཤོད་བོད་ཁྱིམ་སློབ་གྲྭ་དབུ་བརྙེས་ཏེ་ལོ་ངོ་བཞི་བཅུ་འཁོར་བ་དང་། དུས་ཡུན་དེའི་རིང་གི་གྲུབ་འབྲས་དང་འགྱུར་བ། མ་འོངས་པའི་སློབ་གྲྭའི་གནས་སྟངས་བཅས་ཀྱི་སྐོར་ལ་གླེང་མོལ་ཞུས་ཡོད།