ཀུན་གླེང་། ༢༠༢༤ ལོའི་ཟླ་༨ ཚེས་༦

ཨ་རིའི་རླུང་འཕྲིན་ཁང་གི་གཟའ་མིག་དམར་ཉིན་གྱི་ཀུན་གླེང་གསར་འགྱུར་ནང་༧གོང་ས་མཆོག་གི་ཞབས་པུས་དྭངས་སྐྱེད་དང་བརྟན་བཞུགས། བྷང་ལ་ཌེ་ཤིའི་ཟིང་ཆ། དཀྱིལ་ཤར་ཁུལ་གྱི་དམག་འཁྲུག་ཉེན་ཁ། སྲིད་འཛིན་འོས་མི་ཧ་རེ་སི་ཡི་ཕྱི་འབྲེལ་སྲིད་ཇུས། ཧོང་ཀོང་དང་ཐེ་ཝན་གྱི་རྩེད་འགྲན་པར་ཨོ་ལིམ་པིག་རྟགས་མ་ཐོབ་པར་རྒྱ་ནག་གི་རྣམ་འགྱུར་འདྲ་མིན་སོགས་ཡོད། ཐེངས་འདིའི་གསར་འགྱུར་ཞིབ་འགྲེལ་གྱི་ལེ་ཚན་ནང་ཚེ་རིང་དབང་མོ་ལགས་ཀྱིས་རྡོ་རྗེ་ཚེ་བརྟན་ལགས་དང་ལྷན་གྷ་ཛའི་དམག་འཁྲུག་དེ་ཉིད་དཀྱིལ་ཤར་ས་ཁུལ་གྱི་འཐབ་འཁྲུག་ཆེན་པོ་ཞིག་ཏུ་འགྱུར་རྒྱུའི་ཉེན་ཁའི་སྐོར་ལ་རྒྱལ་སྤྱིའི་གསར་ལམ་ཁག་ནང་ཐོན་པའི་གནས་ཚུལ་ཞིབ་ཕྲ་ཁག་བགྲོ་གླེང་ཞུ་རྒྱུ་ཡིན།།