ཀུན་གླེང་། ༢༠༢༤ ལོའི་ཟླ་༡ ཚེས་༡༧

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་གྱི་སྔོན་འགྲོའི་འོས་བསྡུ་ཐོག་མ་བྱེད་སའི་མངའ་སྡེའི་ནང་ཊམ་ལ་རྒྱལ་ཁ་ཐོབ་པ་དང་། ཨི་རན་གྱིས་ཨི་རག་ནང་དུ་གཏོར་རྒོལ། གླིང་ཕྲན་རྒྱལ་ཁབ་ནའོ་རུ་ཡིས་ཐེ་ཝན་དང་ཕྱི་འབྲེལ་བཅད་པ། སེར་བྱེས་ཚན་རིག་སྦྱོང་བརྡར་ཁང་དབུ་འབྱེད། ཌ་ཝོ་སི་དཔལ་འབྱོར་གླེང་སྟེགས་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་འདི་ག་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་འཛིན་རྣམ་རྒྱལ་ལགས་གདན་འདྲེན་ཞུས་ནས་ཨ་རིའི་སྔོན་འགྲོའི་འོས་བསྡུ་དང་སྲིད་འཛིན་འོས་མིའི་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་འགན་འཛིན་ཨུ་རྒྱན་བསྟན་འཛིན་ལགས་འཕྲིན་གཏོང་ཁང་དུ་གདན་འདྲེན་ཞུས་ནས་འདི་ག་ཨ་རིའི་རླུང་འཕྲིན་ཁང་གི་དྷ་སའི་ལས་ཁུངས་ངོ་སྤྲོད་དང་བཙན་བྱོལ་བོད་ཀྱི་གསར་འགོད་པའི་དཀའ་གནད་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།