ཀུན་གླེང་། ༢༠༢༣ ལོའི་ཟླ་༨ ཚེས་༡༡

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་རྒྱ་ནག་གི་ཆུ་ལོག་གནོད་འཚེ་ཕོག་མཁན་དག་ལ་ཐུགས་སྨོན་གནང་བ་དང་། ཨ་རིས་རྒྱ་ནག་གི་ཚན་རྩལ་ཁེ་ལས་ལ་མ་རྩ་འཇོག་པར་དམ་དྲག ཐེ་ཝན་གྱི་སྲིད་འཛིན་གཞོན་པ་ཕེབས་ལམ་དུ་ཨ་རིར་སླེབས་པ། ད་ལོའི་དགེ་བཤེས་མའི་ཡིག་རྒྱུགས། རྒྱལ་སྤྱིའི་བཙོན་པའི་དྲང་བདེན་ཉིན་མོ་སོགས་ཡོད། དེ་རིང་གི་དྲ་སྣང་གི་བོད་དུ་ཚེ་རིང་སྐྱིད་ལགས་ཀྱིས་པདྨ་ཚེ་བརྟན་གྱི་གློག་བརྙན་དང་རྒྱལ་སྤྱིའི་གློག་བརྙན་དུས་སྟོན་དང་། ཁ་འདོན་གྱི་ཁ་པར་བཀོལ་ཆས་གསར་བ། བོད་ཀྱི་རིག་གཞུང་གི་བྱིས་སྒྲུང་དང་གསར་རྩོམ་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་ལྷན་ཨ་རིའི་འཕྲུལ་རིག་བཟོ་ཚོང་ལས་ཁུངས་ཁག་གིས་རྒྱ་ནག་ལ་མ་རྩ་བཙུགས་ནས་ཚོང་ལས་གཉེར་མི་ཆོག་པའི་བཀའ་རྒྱའི་གནད་འགག་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།