ཀུན་གླེང་། ༢༠༢༣ ལོའི་ཟླ་༥ ཚེས་༥

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་རྒྱ་གར་བོད་དོན་རྒྱབ་སྐྱོར་ཚོགས་པ་ཚུགས་ནས་ལོ་༢༥ འཁོར་བའི་དུས་སྟོན་དང་། རྒྱ་གར་གྱི་བླ་ཆེན་ཁག་ཅིག་ལ་མཇལ་འཕྲད། ཨུ་ཡུག་དམག་འཁྲུག་གི་གནས་སྟངས། ཨ་རི་དང་ཨི་རན་ནང་གི་གསར་འགོད་རང་དབང་། འཕགས་བོད་ས་མཚམས་སུ་རྒྱ་གར་གྱིས་འཐབ་ཇུས་འཛུགས་སྐྲུན་བྱེད་བཞིན་པ་སོགས་ཡོད། དེ་རིང་གི་དྲ་སྣང་གི་བོད་དུ་སྨོན་ལམ་རིག་ནུས་དང་། སྨོན་ལམ་རིག་ནུས་ཁ་བརྡ། འཕྲུལ་མིར་ཁ་བརྡ་བྱེད་ས་རོགས་པ། ཁེ་པ་འཕྲུལ་མི་ཞེས་པའི་དྲ་ཚིགས་སོགས་ངོ་སྤྲོད་བྱས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་དཀར་མཛེས་སེར་ཤུལ་རྫོང་རྫ་སྨད་དབོན་པོ་ཡུལ་ཚོའི་དབོན་པོ་དགོན་པའི་དགེ་འདུན་པ་བསྟན་འཛིན་ཉི་མ་ལགས་ངོ་སྤྲོད་བྱས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་རིགས་སློབ་མ་ལག་གི་སྤྱི་ཁྱབ་འགན་འཛིན་དགེ་བཤེས་བསམ་གཏན་རྒྱ་མཚོ་ལགས་ལ་རྡ་རམ་ས་ལའི་རིགས་ལམ་སློབ་གཉེར་ཁང་ཚུགས་ནས་ལོ་༥༠་དང་ས་རཱ་མཐོ་སློབ་ཚུགས་ནས་ལོ་༢༥་འཁོར་བའི་རིང་གི་གྲུབ་འབྲས་སོགས་ཀྱི་ཐད་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།