ཀུན་གླེང་། ༢༠༢༣ ལོའི་ཟླ་༤ ཚེས་༢༡

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་རྒྱལ་སྤྱིའི་ནང་པའི་ཚོགས་ཆེན་ཐོག་བཀའ་སློབ་སྩལ་བ་དང་། རྒྱལ་སྲུང་དྲུང་ཆེས་སི་ཝེ་ཌན་ལ་འཚམས་གཟིགས། ཏུར་ཀིའི་འོས་བསྡུའི་ཁྲོད་ཀྱི་ཆབ་སྲིད། ཡུག་ཀེ་རན་གྱི་དམག་འཁྲུག ཧྥ་རན་སི་དང་རྒྱ་ནག སོག་པོའི་སྐད་ཡིག་གི་གནས་སྟངས་སོགས་ཡོད། དེ་རིང་གི་དྲ་སྣང་གི་བོད་དུ་རྒྱའི་དྲ་ལམ་དུ་༧གོང་ས་མཆོག་གླེང་སྟངས་དང་། དྲ་ལམ་དུ་བདེན་པའི་རྒྱབ་ལངས་ཀྱི་ལས་འགུལ་སྤེལ་སྟངས། ༧གོང་ས་མཆོག་གི་མཛད་པ་ལོག་འགྲེལ་གྱི་བྱུང་རིམ་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་བོད་གཞུང་དགའ་ལྡན་ཕོ་བྲང་གི་རྩེ་དྲུང་བྱམས་པ་བསྟན་འཛིན་ལགས་ངོ་སྤྲོད་ཀྱི་ཁག་དང་པོ་གཟིགས་འབུལ་ཞུས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་མངའ་རིས་ནང་ཆོས་རིགས་ལམ་སློབ་གཉེར་ཁང་གི་འགན་འཛིན་དགེ་བཤེས་ཚེ་དབང་རྡོ་རྗེ་ལགས་ལ་ལ་དྭགས་པ་ཚོས་མངའ་སྡེའི་ཐོབ་ཐང་རྩོད་ལེན་བྱེད་བཞིན་པའི་ཐད་བཅར་འདྲི་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།