ཀུན་གླེང་། ༢༠༢༣ ལོའི་ཟླ་༣ ཚེས་༣༡

ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིས་དམངས་གཙོའི་ཚོགས་ཆེན་གོ་སྒྲིག་གནང་བ་དང་། ཡུ་རོབ་ཀྱི་སྒྱོགས་འཁོར་ཡུག་ཀེ་རན་ལ་སླེབས་པ། ཐེ་ཝན་གྱི་སྲིད་འཛིན་གྱིས་ཨ་རིའི་ནང་གཏམ་བཤད་གནང་བ། ཀོ་རི་ཡ་ཕྱེད་གླིང་གི་ཛ་དྲག་གནས་སྟངས། གློག་གི་མོ་ཊའི་གློག་རྫས་ཐོན་སྐྱེད་སོགས་ཀྱི་གསར་འགྱུར་ཡོད། དེ་རིང་གི་དྲ་སྣང་གི་བོད་དུ་གྲོས་ཚོགས་འཐུས་མིར་དྲ་ལམ་ནས་ཞུ་གཏུག་ཞུ་ས། ཆབ་སྲིད་བཙོན་ཟུར་ཞིག་གིས་ཆབ་སྲིད་བཙོན་པ་ཞིག་ལ་ཕུལ་བའི་འཕྲིན། འབྲས་སྤུངས་སྒོ་མང་གི་གློག་རྡུལ་གཙུག་ལག་དྲ་མཛོད་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་སྤེལ་བའི་༢༠༢༢ ལོའི་བོད་ནང་གི་འགྲོ་བ་མའི་ཐོབ་ཐང་ལོ་འཁོར་སྙན་ཐོའི་ནང་དོན་གྱི་ཐད་བོད་གནས་ཉམས་ཞིབ་པ་ཉི་མ་འོད་ཟེར་ལགས་དང་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།