སྔ་དྲོའི་རླུང་འཕྲིན།༢༠༢༠་ཟླ་༡༢ཚེས་༥

༧གོང་ས་རྒྱལ་བ་རིན་པོ་ཆེ་མཆོག་གིས་ཨ་རིའི་རྒྱལ་སའི་ནང་ཡོད་པའི་མཐོ་རིམ་སློབ་གཉེར་ཁང་ཞིག་གི་ལོ་འཁོར་ལྷན་ཚོགས་ཀྱི་སྟེང་དམིགས་བསལ་གསུང་འཕྲིན་བསྩལ་གནང་ཡོད་པ། རྒྱ་ནག་ས་གནས་གཞུང་གིས་རེབ་གོང་རོང་བོ་དགོན་ཆེན་གྱི་གྲྭ་བཙུན་རྩོམ་པ་པོ་མིང་གྲགས་ཅན་ཞིག་འཛིན་བཟུང་བཙན་ཁྲིད་བྱས་འདུག་པ། ཨ་མེ་རི་ཀའི་དབུས་གསང་བའི་ལས་ཁུངས་ཀྱི་མཐོ་རིམ་མགོ་ཁྲིད་ཞིག་གིས་རྒྱ་ནག་ནི་དམག་ཆེན་གཉིས་པའི་རྗེས་སུ་འཛམ་གླིང་གི་དམངས་གཙོ་དང་རང་དབང་གི་ཐད་ཉེན་ཁ་ཆེ་ཤོས་ཀྱི་རྒྱལ་ཁབ་ཡིན་པའི་ཉེན་བརྡ་བཏང་ཡོད་པ། རྒྱ་ནག་གཞུང་གིས་ཧོང་ཀོང་གི་དམངས་གཙོ་དོན་གཉེར་བ་ཁག་ཅིག་འཛིན་བཟུང་གིས་ཉེས་འཛུགས་བྱས་ཡོད་པར་ཨ་རིའི་ཕྱི་སྲིད་དྲུང་ཆེ་མད་ཁི་ཕིན་ཕས་ཨོ་ཡིས་སྐྱོན་བརྗོད་བྱས་ཡོད་པ་སོགས་ཀྱི་གནས་ཚུལ་ཡོད།